छेरे आवइ बरखा बदरिया किसान भैया ना।
लागि बाटइ अगिलहिया किसान भैया ना॥
अचरा में बाटइ नाहीं बोवइ के बिसरवा
कहाँ से पइबउ ना।
खची मिलिया गोदमियाँ कहाँ से पइबउ ना॥
सहत अनजवा सहत बा मेन्हतिया—
गुजर नाहीं बा।
महँग लूट के बजरिया गुजर नाहीं बा॥
झूठ भवा खूनवाँ झूठाने इतिहसवा—
लिखा हो बाटे ना।
काहे झूठ भइ अजदिया लिखा हो बाटइ ना॥
पूरब दिसा से उठी पुरवा बयरिया
झकोर मारइ ना।
हीले राजदरबरिया झकोर मारइ ना॥
सावन महीना बोले तीज त्यौहरवा
सगुन बाटइ ना।
साजउ रन के तुरहिया सगुन बाटइ ना॥
कन-कन मटिया से उठइ किलकरिया—
सुरू बा जंगवा ना
तोरउ पाँव कइ जंजीरिया सुरू बा जंगवा ना॥
दइ दइ खुनवाँ उगाव क्रान्ति बिरवा—
मुकुति होये ना।
झूमी बिजय बिरिछवा—मुकुति होये ना॥
24.07.1985
- पुस्तक : अब होगी बरसात (पृष्ठ 59)
- रचनाकार : नरेन्द्र कुमार
- प्रकाशन : जन संस्कृति प्रकाशन
- संस्करण : 1990
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
