काका
का बताइ हालु
बखत केरि टेढ़ि चालु
घर मा भै बौछार
तब गयेन काल्हि बजार
लायेन हरदी का चूरा
निकरा इंटकोहरा
लायेन चाह क्यार भूरा
निकरा चाम क्यार कूरा
बजार मा पिहेन दूधु
सोचेन!
दूध मा थ्वारा पानी होई
मुला रहइ पानी मा थ्वारा दूधु
लायेन मिर्च काली
निकरे रणखरबूजा के बिया खाली
लायेन करौंजिया
निकरे भटकटैय्या के बिया
लायेन खालिस गोहूँ का पिसानु
वहि मा जोंड्डी का घमासानु
लायेन तेलु नीक
हायरे सहरु
होइगा जहरु
जौनु खाइ
राति भरि जागइ
मैदान भागइ
लायेन देसी घिउ
जौनु खाइसि
गवा जिउ
कुछु लायन खादि
फसल होइ गइ बरबादि।
काका बजार का
कस हालु कही
कपास क कहइँ दही
सधुवा लावा रहइ सिरीमेंट
असवइँ केरि पाटी छति गिरि गइ
मेहरुवा याक मरि गइ
बजारइ म ददुवा पिहिसि दारू
हुवइँ दफन होइगा
साथ म रहइ कलुवा
वहउ कफनु होइगा
दुबरी बिटिया के बिआहे मा
गये सराफा
उनकी अक्किल मा भा इजाफा
गीलट लाये चाँदी कइ
स्वान निकरी सूबर
दुबरी औरउ भे दूबर॥
kaka
ka batai halu
bakhat keri teDhi chalu
ghar ma bhai bauchhar
tab gayen kalhi bajar
layen hardi ka chura
nikra intkohra
layen chaah kyaar bhura
nikra chaam kyaar kura
bajar ma pihen dudhu
sochen!
doodh ma thvara pani hoi
mula rahai pani ma thvara dudhu
layen mirch kali
nikre ranakharbuja ke biya khali
layen karaunjiya
nikre bhataktaiyya ke biya
layen khalis gohun ka pisanu
vahi ma jonDDi ka ghamasanu
layen telu neek
hayre saharu
hoiga jaharu
jaunu khai
rati bhari jagai
maidan bhagai
layen desi ghiu
jaunu khaisi
gava jiu
kuchhu layan khadi
phasal hoi gai barbadi.
kaka bajar ka
kas halu kahi
kapas ka kahain dahi
sadhuva lava rahai siriment
asavain keri pati chhati giri gai
meharuva yaak mari gai
bajarai ma daduva pihisi daru
huvain daphan hoiga
saath ma rahai kaluva
vahau kaphanu hoiga
dubri bitiya ke biahe ma
gaye sarapha
unki akkil ma bha ijapha
gilat laye chandi kai
svaan nikri subar
dubri aurau bhae dubar॥
kaka
ka batai halu
bakhat keri teDhi chalu
ghar ma bhai bauchhar
tab gayen kalhi bajar
layen hardi ka chura
nikra intkohra
layen chaah kyaar bhura
nikra chaam kyaar kura
bajar ma pihen dudhu
sochen!
doodh ma thvara pani hoi
mula rahai pani ma thvara dudhu
layen mirch kali
nikre ranakharbuja ke biya khali
layen karaunjiya
nikre bhataktaiyya ke biya
layen khalis gohun ka pisanu
vahi ma jonDDi ka ghamasanu
layen telu neek
hayre saharu
hoiga jaharu
jaunu khai
rati bhari jagai
maidan bhagai
layen desi ghiu
jaunu khaisi
gava jiu
kuchhu layan khadi
phasal hoi gai barbadi.
kaka bajar ka
kas halu kahi
kapas ka kahain dahi
sadhuva lava rahai siriment
asavain keri pati chhati giri gai
meharuva yaak mari gai
bajarai ma daduva pihisi daru
huvain daphan hoiga
saath ma rahai kaluva
vahau kaphanu hoiga
dubri bitiya ke biahe ma
gaye sarapha
unki akkil ma bha ijapha
gilat laye chandi kai
svaan nikri subar
dubri aurau bhae dubar॥
स्रोत :
पुस्तक : घास के घरउँदे (पृष्ठ 103)रचनाकार : श्यामसुंदर मिश्र ‘मधुप’
प्रकाशन : आत्माराम एण्ड संस, कश्मीरी गेट, दिल्ली
संस्करण : 1991
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
