हेराइ गयी हो—हाँ—हेराई गयी हो
कहूँ सेजवा पइ नथुनी हेराइ गयी हो
दिन भरि कामु-धामु निपटावउँ सोवउँ राति अकेले
आजु राति सपने मा कइसउ पहुचि गयी थीं मेले
इक छोरा वहनइ मिलिगा अपनो सो परइ दिखाई
बहियन मा भरि लिहिसि हमइ हम कहिते का बतलाई
टूटि नथुनी दरदिया देवाइ गयी हो
कहूँ सेजवा पइ नथुनी हेराइ गयी हो
फिरि सपने की कौनु कहइ अब तौ निदिया न आवै
राति मिलन की रहि-रहि कै बैरिन सी हमइ सतावै
मन मदहोस अइस हुइगा हइ जस लहराइ नगिनिया
जान की दुस्मन बनि बइठी है खुद की हमरि नथुनिया
अब तौ बिरहा की अगिया लगाई गई हो
कहूँ सेजवा पइ नथुनी हेराइ गयी हो
आवइ यादि हमइ अब वहिकी तिरछी मार नजरिया
चन्दन बिरवा करिया लिपटइ पकरै अइसि कमरिया
गोरि द्याँह पर ओंठन की हरकति असि आगि लगावइ
चढ़ा नसा तब मदहोसी का आँखिन कुछु न देखावइ
वह तउ सपनेउ का सपनो देखाइ गयी हो
कहूँ सेजवा पइ नथुनी हेराइ गयी हो
हुइगो सो हुइगो लेकिन हम अब ऐसे न सोइबो
सोइबो गर तउ भूलिउ के सपने महियाँ न खोइबो
सपनेउ मा फिरि खोइ गएन तउ बहियन मा ना जइबो
गर बहियन मा पहुँचि गएन तउ नथुनी नाइ देखइबो
हमरी चोरी का सबते बताई गयी हो
कहूँ सेजवा पइ नथुनी हेराइ गयी हो
herai gayi ho—han—herai gayi ho
kahun sejva pai nthuni herai gayi ho
din bhari kamu dhamu niptavaun sovaun rati akele
aaju rati sapne ma kaisau pahuchi gayi theen mele
ik chhora vahanai miliga apno so parai dikhai
bahiyan ma bhari lihisi hamai hum kahite ka batlai
tuti nthuni daradiya devai gayi ho
kahun sejva pai nthuni herai gayi ho
phiri sapne ki kaunu kahai ab tau nidiya na aavai
rati milan ki rahi rahi kai bairin si hamai satavai
man madhos ais huiga hai jas lahrai naginiya
jaan ki dusman bani baithi hai khud ki hamari nathuniya
ab tau birha ki agiya lagai gai ho
kahun sejva pai nthuni herai gayi ho
avai yadi hamai ab vahiki tirchhi maar najariya
chandan birva kariya lipatai pakarai aisi kamriya
gori dyaanh par onthan ki harakati asi aagi lagavai
chaDha nasa tab madhosi ka ankhin kuchhu na dekhavai
wo tau sapneu ka sapno dekhai gayi ho
kahun sejva pai nthuni herai gayi ho
huigo so huigo lekin hum ab aise na soibo
soibo gar tau bhuliu ke sapne mahiyan na khoibo
sapneu ma phiri khoi gen tau bahiyan ma na jaibo
gar bahiyan ma pahunchi gen tau nthuni nai dekhaibo
hamri chori ka sabte batai gayi ho
kahun sejva pai nthuni herai gayi ho
herai gayi ho—han—herai gayi ho
kahun sejva pai nthuni herai gayi ho
din bhari kamu dhamu niptavaun sovaun rati akele
aaju rati sapne ma kaisau pahuchi gayi theen mele
ik chhora vahanai miliga apno so parai dikhai
bahiyan ma bhari lihisi hamai hum kahite ka batlai
tuti nthuni daradiya devai gayi ho
kahun sejva pai nthuni herai gayi ho
phiri sapne ki kaunu kahai ab tau nidiya na aavai
rati milan ki rahi rahi kai bairin si hamai satavai
man madhos ais huiga hai jas lahrai naginiya
jaan ki dusman bani baithi hai khud ki hamari nathuniya
ab tau birha ki agiya lagai gai ho
kahun sejva pai nthuni herai gayi ho
avai yadi hamai ab vahiki tirchhi maar najariya
chandan birva kariya lipatai pakarai aisi kamriya
gori dyaanh par onthan ki harakati asi aagi lagavai
chaDha nasa tab madhosi ka ankhin kuchhu na dekhavai
wo tau sapneu ka sapno dekhai gayi ho
kahun sejva pai nthuni herai gayi ho
huigo so huigo lekin hum ab aise na soibo
soibo gar tau bhuliu ke sapne mahiyan na khoibo
sapneu ma phiri khoi gen tau bahiyan ma na jaibo
gar bahiyan ma pahunchi gen tau nthuni nai dekhaibo
hamri chori ka sabte batai gayi ho
kahun sejva pai nthuni herai gayi ho
स्रोत :
पुस्तक : सिरका (अवधी गीत संग्रह) (पृष्ठ 22)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
