रहिया तकैं मोर दुइनौ नयनवा,
जाने कब सजना से होई मिलनवा,
जब-जब याद हमें तोहरी सतावै,
रतिया की नींद हमें कबहूँ न आवै,
तोहरी सुरतिया तौ होत बा सपनवा।
जाने कब सजना...
घेरे बा अँगना म कारी बदरिया,
जियरा म बसी मोरे पिया की नगरिया,
सारा दिन मनवा तौ झूलै झुलनवा।
जाने कब सजना…
होठवा प नमवा तोहार करी फेरा,
मनवा म हमरे तू कइल्या बसेरा,
अँजोरिया से चमकै दुअरा-अँगनवा।
जाने कब सजना...
जब-जब तू हमरे नगरिया म आया,
गँउवा कै हमरे पलट दिहा काया,
तर जातै धरती जौ परतै चरनवा।
जाने कब सजना...
जौने दिना अउब्या अँजोर होय जाई,
रतिया लागै की भोर हो जाई,
तोहरे दरस पै बाटै गुमनवा
जाने कब सजना...
तोहरे पिरितिया मा जियरा दिवाना,
दियना प जइसे जरैं परवाना,
लइजा सँदेस मोर पुर्बी पवनवा
जाने कब सजना...
rahiya takain mor duinau nayanva,
jane kab sajna se hoi milanva,
jab jab yaad hamein tohri satavai,
ratiya ki neend hamein kabhun na aavai,
tohri suratiya tau hot ba sapanva.
jane kab sajna. . .
ghere ba angana ma kari badriya,
jiyra ma basi more piya ki nagariya,
sara din manva tau jhulai jhulanva.
jane kab sajna…
hothva pa namva tohar kari phera,
manva ma hamre tu kailya basera,
anjoriya se chamakai duara anganava.
jane kab sajna. . .
jab jab tu hamre nagariya ma aaya,
ganuva kai hamre palat diha kaya,
tar jatai dharti jau paratai charanva.
jane kab sajna. . .
jaune dina aubya anjor hoy jai,
ratiya lagai ki bhor ho jai,
tohre daras pai batai gumanva
jane kab sajna. . .
tohre piritiya ma jiyra divana,
diyna pa jaise jarain parvana,
laija sandes mor purbi pavanva
jane kab sajna. . .
rahiya takain mor duinau nayanva,
jane kab sajna se hoi milanva,
jab jab yaad hamein tohri satavai,
ratiya ki neend hamein kabhun na aavai,
tohri suratiya tau hot ba sapanva.
jane kab sajna. . .
ghere ba angana ma kari badriya,
jiyra ma basi more piya ki nagariya,
sara din manva tau jhulai jhulanva.
jane kab sajna…
hothva pa namva tohar kari phera,
manva ma hamre tu kailya basera,
anjoriya se chamakai duara anganava.
jane kab sajna. . .
jab jab tu hamre nagariya ma aaya,
ganuva kai hamre palat diha kaya,
tar jatai dharti jau paratai charanva.
jane kab sajna. . .
jaune dina aubya anjor hoy jai,
ratiya lagai ki bhor ho jai,
tohre daras pai batai gumanva
jane kab sajna. . .
tohre piritiya ma jiyra divana,
diyna pa jaise jarain parvana,
laija sandes mor purbi pavanva
jane kab sajna. . .
स्रोत :
पुस्तक : रस गागरी (पृष्ठ 17)रचनाकार : परवाना प्रतापगढ़ी
प्रकाशन : अभिव्यक्ति संगम, साहित्यिक संस्था, लालगंज प्रतापगढ़
संस्करण : 2013
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
