एक रिक्सावाले से पूछा, स्टेसन लइ चलिहौ
हमरी सूरत देखिके बोला, तुम भाड़ा दइ पइहौ
फस्क्लिास कय दस रुपिया हय, सेकंड कय लेबै चार
थर्ड किलास कय दुइ रुपिया हय, ई हय रेट हमार
हम कहा भइया रिक्सावाले, हमका तनी बतावौ
एक रिक्सा मा तिन-तिन दर्जा, ऊ कइसे समझावौ
कहिस कि दस मा अस लइ चलबय, जइसे हेलीकाप्टर
चार जो देहौ बिरिक न लेबय, गड्ढा परय या ठोकर
दुइ रुपिया जो हमका देबो, रहे मामिला उल्टा
हम रिक्से पर बइठि के चलबय, आप चलइहौ रिक्सा
स्रोत :
- पुस्तक : जियौ बहादुर खद्दरधारी (पृष्ठ 41)
- संपादक : अटल तिवारी, अमरेन्द्र नाथ त्रिपाठी
- रचनाकार : रफ़ीक़ शादानी
- प्रकाशन : परिकल्पना, दिल्ली
- संस्करण : 2025
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
