दिनु भरि ज्वातति देंह पिरानी,
नस नस थकनि समाइ गई,
भूखे जानि बर्ध तब मन मा
घरै चलै की चाह भई।
दौस भरे के डहे-डमारे
औ रजनी ते गये छले,
सुर्ज चन्द्र का राजतिलकु दै
अपने घर की बार चले।
हरु काँधे पर धरयन बहे मा
उल्टी टाँगि कुदारि दिहेन,
बर्ध अगारी करि लै पैना,
अपने घर की राह लिहेन।
धीरे-धीरे ख्यात नाँघिके
जस गलियारे पर आयन,
धरेन उठाइ पीठि पर पैना
औ बरधन का टहँकारेन।
अपने घर की डगर नापि के
दुऔ बर्ध पुड़क्याइ भगे
रहेन अकेले हमरे मन तब
स्वतंत्रता के भाउ जगे।
सोच्यन—'सबिता रोजुइ बढ़िया
नित्त नवा जीवनु पावइँ,
रोजुइ होइँ जवान रोजु
बिरधापन पावैं छिपि जावइँ।
आवागमन काल-घुमना मा
परे जगत का भरमावइँ,
राति-दौस दुनहूँ क्रम-क्रम ते
घूमि-घूमि आवइँ जावइँ।
ऐस्यनि जीव समौ चक्कर मा
परा फिरै चारिउ घाईं,
चौरासी जोनिन मा बिचरै
दयाखै सुख दुख की झाईं।
बड़ी मुसकिलन बड़े पुन्नि ते
मिलै कहूँ मानुस की दयाँह
ऐठै-ग्वैठै लोग गरब मा
तबहूँ करैं न कुछु परवाह।
देबी औ सिगरे दयौता गन
ज्यहिका पावै बदि ललचाइँ,
औरु ईसुरौ सरगु छाँड़ि के
ख्यालै ख्याल भुम्मि पर आई।
वहै पाइ मानुस की देही
नर ना दयाखैं अवघट-घाट,
मद मा अंधे बने फिरैं, सब
धरम करम करि बाराबाट।
वहि यहु तौ कबहूँ ना स्वचिहैं
हमैं बिधाता सुक्खु दिहिसि,
धनु-मकानु सबही कुछु दैके
हमका मालामालु किहिसि।
हमहूँ तौ वहि दीनबंधु बदि
कोऊ बढ़िया कामु करी,
कुछु तौ करि दीनन की सेवा
जग मा पैदा नाउँ करी।
करिहैं का यहिका बसि उल्टा
चुसिहैं खूनु गरीबन क्यार,
छल ते बल ते इज्जति छिनिहैं
करिहै हड्डिन का बैपार।
हाय बिधाता! का फिरि कबहूँ
हमरे नीके दिन ऐहैं,
लरिका नाजु पेटु भरि खैहैं,
ई दुख के दिन टरि जैहैं।
हमहे अन्नु करी पैदा औ
हमरेइ घर दाना नाहीं,
हमहे सिगरा देसु जियाई,
हमकै देसु रहा डाही।
बहुत सहेन सहि-सहि के ऊब्यन,
अब यहु जुलुमु सहा ना जाइ,
जीवनु मजा कैस है, चाखी
ईसुर संकट देहु नसाइ।
ऐस्यनि स्वाचति-स्वाचति अपनी
हम सिगरी गल्ली बितयन,
यहे तका ते दिया बरै लै
हम अपने घर आई गयन।
dinu bhari jvatati denh pirani,
nas nas thakani samai gai,
bhukhe jani bardh tab man ma
gharai chalai ki chaah bhai.
daus bhare ke Dahe Damare
au rajni te gaye chhale,
surj chandr ka rajatilaku dai
apne ghar ki baar chale.
haru kandhe par dharyan bahe ma
ulti tangi kudari dihen,
bardh agari kari lai paina,
apne ghar ki raah lihen.
dhire dhire khyaat nanghike
jas galiyare par aayan,
dharen uthai pithi par paina
au bardhan ka tahnkaren.
apne ghar ki Dagar napi ke
duau bardh puDakyai bhage
rahen akele hamre man tab
svtantrta ke bhau jage.
sochyan—sabita rojui baDhiya
nitt nava jivanu pavain,
rojui hoin javan roju
birdhapan pavain chhipi javain.
avagaman kaal ghumna ma
pare jagat ka bharmavain,
rati daus dunhun kram kram te
ghumi ghumi avain javain.
aisyani jeev samau chakkar ma
para phirai chariu ghain,
chaurasi jonin ma bicharai
dayakhai sukh dukh ki jhain.
baDi musakilan baDe punni te
milai kahun manus ki dayanh
aithai gvaithai log garab ma
tabhun karain na kuchhu parvah.
debi au sigre dayauta gan
jyahika pavai badi lalchain,
auru iisurau saragu chhanDi ke
khyalai khyaal bhummi par aai.
vahai pai manus ki dehi
nar na dayakhain avghat ghaat,
mad ma andhe bane phirain, sab
dharam karam kari barabat.
vahi yahu tau kabhun na svachihain
hamain bidhata sukkhu dihisi,
dhanu makanu sabhi kuchhu daike
hamka malamalu kihisi.
hamhun tau vahi dinbandhu badi
kou baDhiya kamu kari,
kuchhu tau kari dinan ki seva
jag ma paida naun kari.
karihain ka yahika basi ulta
chusihain khunu gariban kyaar,
chhal te bal te ijjati chhinihain
karihai haDDin ka baipar.
haay bidhata! ka phiri kabhun
hamre nike din aihain,
larika naju petu bhari khaihain,
ii dukh ke din tari jaihain.
hamhe annu kari paida au
hamrei ghar dana nahin,
hamhe sigra desu jiyai,
hamakai desu raha Dahi.
bahut sahen sahi sahi ke uubyan,
ab yahu julumu saha na jai,
jivanu maja kais hai, chakhi
iisur sankat dehu nasai.
aisyani svachati svachati apni
hum sigri galli bityan,
yahe taka te diya barai lai
hum apne ghar aai gayan.
dinu bhari jvatati denh pirani,
nas nas thakani samai gai,
bhukhe jani bardh tab man ma
gharai chalai ki chaah bhai.
daus bhare ke Dahe Damare
au rajni te gaye chhale,
surj chandr ka rajatilaku dai
apne ghar ki baar chale.
haru kandhe par dharyan bahe ma
ulti tangi kudari dihen,
bardh agari kari lai paina,
apne ghar ki raah lihen.
dhire dhire khyaat nanghike
jas galiyare par aayan,
dharen uthai pithi par paina
au bardhan ka tahnkaren.
apne ghar ki Dagar napi ke
duau bardh puDakyai bhage
rahen akele hamre man tab
svtantrta ke bhau jage.
sochyan—sabita rojui baDhiya
nitt nava jivanu pavain,
rojui hoin javan roju
birdhapan pavain chhipi javain.
avagaman kaal ghumna ma
pare jagat ka bharmavain,
rati daus dunhun kram kram te
ghumi ghumi avain javain.
aisyani jeev samau chakkar ma
para phirai chariu ghain,
chaurasi jonin ma bicharai
dayakhai sukh dukh ki jhain.
baDi musakilan baDe punni te
milai kahun manus ki dayanh
aithai gvaithai log garab ma
tabhun karain na kuchhu parvah.
debi au sigre dayauta gan
jyahika pavai badi lalchain,
auru iisurau saragu chhanDi ke
khyalai khyaal bhummi par aai.
vahai pai manus ki dehi
nar na dayakhain avghat ghaat,
mad ma andhe bane phirain, sab
dharam karam kari barabat.
vahi yahu tau kabhun na svachihain
hamain bidhata sukkhu dihisi,
dhanu makanu sabhi kuchhu daike
hamka malamalu kihisi.
hamhun tau vahi dinbandhu badi
kou baDhiya kamu kari,
kuchhu tau kari dinan ki seva
jag ma paida naun kari.
karihain ka yahika basi ulta
chusihain khunu gariban kyaar,
chhal te bal te ijjati chhinihain
karihai haDDin ka baipar.
haay bidhata! ka phiri kabhun
hamre nike din aihain,
larika naju petu bhari khaihain,
ii dukh ke din tari jaihain.
hamhe annu kari paida au
hamrei ghar dana nahin,
hamhe sigra desu jiyai,
hamakai desu raha Dahi.
bahut sahen sahi sahi ke uubyan,
ab yahu julumu saha na jai,
jivanu maja kais hai, chakhi
iisur sankat dehu nasai.
aisyani svachati svachati apni
hum sigri galli bityan,
yahe taka te diya barai lai
hum apne ghar aai gayan.
स्रोत :
पुस्तक : अरघान (पृष्ठ 29)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
