एह सियासी नगर में का नइखे?
खाली निकले के रास्ता नइखे
तहरा ऊँचा मकान का भितरी
जिये क कवनो सिलसिला नइखे
आज नाटक बा हमरा जिनिगी पर
ओमे खुद हमरे भूमिका नइखे
ओकरा अँखिया में ना चमक उभरल
ओमे अब कवनो लालसा नइखे
गाँव वालन पर' आजु बा जलसा
गाँव वालन के कुछ पता नइखे
ताड़ से छाँह क कइसन असरा
बर-पीपर मतिन पिता नइखे
एह नगर में जियल कठिन बाटे
रोसनी बाटे त हवा नइखे
स्रोत :
- पुस्तक : फूटल किरिन हजार (पृष्ठ 115)
- रचनाकार : अशोक द्विवेदी
- प्रकाशन : पाती प्रकाशन, बलिया
- संस्करण : 2003
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
