बाट बाधित पहाड़े छै पाटल जखन
baat badhit pahaDe chhai patal jakhan
बाट बाधित पहाड़े छै पाटल जखन
सीयत दरजी के आकासे फाटल जखन।
आइ अंगा फकीरक घरा अछि बनल
सौंसे चेफड़ी समस्येक साटल जखन।
द्वेष, ईर्ष्या, घृणा, उर, तनावक लहरि
एक दोसरसँ दूध जकाँ फाटल जखन।
गर्म मौसम बनल लपलपाबैछ जीह
प्यास छै शोनिते केर जागल जखन।
लीखपर ने अपन वियतनामे रहल
देश हमरो वैह लीख लागल जखन।
स्रोत :
- पुस्तक : कान्ह पर लहास हमर [मैथिली गजल संग्रह] (पृष्ठ 6)
- रचनाकार : कलानन्द भट्ट
- प्रकाशन : किसुन संकल्प लोक, सुपौल
- संस्करण : 1983
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
