आसे आस पर निराशा हो गइल जिनगी
aase aas par nirasha ho gail jingi
आसे आस पर निराशा हो गइल जिनगी
लोग खातिर ई तमाशा हो गइल जिनगी
नाचत बानी दोसरा के खातिर आजकल
चिरई फसावेवाला लासा हो गइल जिनगी
कोशिश पर कोशिश करत रहेनी हरदम
मामा शकुनी के पासा हो गइल जिनगी
दूर से सुन्दर लागेला लोग के आवरण
फूटल चीनी के बतासा हो गइल जिनगी
सबकोई मतलब अनुसार अर्थ लगावेला
आदमी के अलग भाषा हो गइल जिनगी
बातबात में अलग होला वर्णन संदेश के
हर क्षण एगो परिभाषा हो गइल जिनगी
स्रोत :
- पुस्तक : बेचैन संदेश (भोजपुरी गजल-संग्रह) (पृष्ठ 46)
- रचनाकार : शिव संदेश
- प्रकाशन : भोजपुरी प्रज्ञा प्रतिष्ठान, काठमांडू, नेपाल
- संस्करण : 2024
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
