कबने बने कुहुँके रे मन के कोइलिया,
पिउ-पिउ पपीहा करे सोर।
कि हो मोरा पिउ-पिउ पपीहा करे सोर।
चन्दन अस मोरी प्रीति पुरानी,
प्रीति पुरानी बा गंगा के पानी,
लहरे नयनवाँ के कोर।
कि हो मोरा…
गीत-गजल भइली हमरी उमिरिया,
हमरी उमिरिया के एकहू अछरिया,
बांचि न पावे चितचोर।
कि हो मोरा…
सूली ऊपर सेज पिया के,
सेज पिया के दुख देला हिया के,
ना जनलीं होइहें कठोर।
कि हो मोरा…
करवट-करवट लम्बी कहानी,
लम्बी कहानी जइसे कबिरा के बानी,
कहत-कहत होइहें भोर।
कि हो मोरा…
स्रोत :
- पुस्तक : लोक रागिनी (पृष्ठ 209)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
