हरे रामा, रोके रुकत नहिं पाँव,
गांव सुधि आए, रे हारी।
हरे रामा, निमिया कै सीतल छाँव,
गाँव सुधि आए, रे हारी।
दिया- देवारी, कातिक मेला।
बुढ़ियक बार, चाट कै ठेला
लड़िकन केर हड़ा-हड़वाई,
खेती-बारी, साँड़, बहेला।
हरे रामा, सीखैं अखाड़न दाँव, गाँव सुधि आये रे हारी।
चना, चबेना, सतुआ, भूजा।
अल्पाहार, न आउर दूजा।
गाय कैं गौढ़ि, डाड़ के साथ,
काली माँ, ड्युहार के पूजा।
हरे रामा, छुअत बड़ेन कै पाँव, गाँव सुधि आये रे हारी।
बटुलिक दालि, व चूल्हक रोटी।
घिउ गहबोड़ी, मोटी-मोटी।
खुस होइकय परसति महतारी,
थरिया मा धरि लावति छोटी।
हरे रामा, ऊ सुख जाइ न बाँव, गाँव सुधि आये रे हारी।
सावन कजरी ताल न भूलय।
फागुन कय चौताल न भूलय।
आल्हक मौत गवइयन हाथे,
गाँवन कय चौपाल न भूलया।
हरे रामा, लिहे कपतान कै नाँउ, गाँव सुधि आवै रे हारी।
hare rama, roke rukat nahin paanv,
gaanv sudhi aaye, re hari.
hare rama, nimiya kai sital chhaanv,
gaanv sudhi aaye, re hari.
diya devari, katik mela.
buDhiyak baar, chaat kai thela
laDikan ker haDa haDvai,
kheti bari, saanD, bahela.
hare rama, sikhain akhaDan daanv, gaanv sudhi aaye re hari.
chana, chabena, satua, bhuja.
alpahar, na aaur duja.
gaay kain gauDhi, DaaD ke saath,
kali maan, Dyuhar ke puja.
hare rama, chhuat baDen kai paanv, gaanv sudhi aaye re hari.
batulik dali, va chulhak roti.
ghiu gahboDi, moti moti.
khus hoikay parasati mahtari,
thariya ma dhari lavati chhoti.
hare rama, uu sukh jai na baanv, gaanv sudhi aaye re hari.
savan kajri taal na bhulay.
phagun kay chautal na bhulay.
alhak maut gavaiyan hathe,
ganvan kay chaupal na bhulya.
hare rama, lihe kaptan kai nanu, gaanv sudhi aavai re hari.
hare rama, roke rukat nahin paanv,
gaanv sudhi aaye, re hari.
hare rama, nimiya kai sital chhaanv,
gaanv sudhi aaye, re hari.
diya devari, katik mela.
buDhiyak baar, chaat kai thela
laDikan ker haDa haDvai,
kheti bari, saanD, bahela.
hare rama, sikhain akhaDan daanv, gaanv sudhi aaye re hari.
chana, chabena, satua, bhuja.
alpahar, na aaur duja.
gaay kain gauDhi, DaaD ke saath,
kali maan, Dyuhar ke puja.
hare rama, chhuat baDen kai paanv, gaanv sudhi aaye re hari.
batulik dali, va chulhak roti.
ghiu gahboDi, moti moti.
khus hoikay parasati mahtari,
thariya ma dhari lavati chhoti.
hare rama, uu sukh jai na baanv, gaanv sudhi aaye re hari.
savan kajri taal na bhulay.
phagun kay chautal na bhulay.
alhak maut gavaiyan hathe,
ganvan kay chaupal na bhulya.
hare rama, lihe kaptan kai nanu, gaanv sudhi aavai re hari.
स्रोत :
पुस्तक : अवधी मिठास (पृष्ठ 51)रचनाकार : मनोज मिश्र ‘कप्तान’
प्रकाशन : सर्वभाषा प्रकाशन, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
