निज हाथन सर्वसु खोय चुके कहँ लौ दुख पै दुख ही भरिये।
हम आरत भारतवासिन पै अब दीनदयाल दया करिये॥
लरि भाइन-भाइन आपस में बल बीरज वैभव नाश कियो।
सब के उर आलस अप्रियता अघ आदिक बैरिन बास कियो॥
हमरे धन सों हमरे तन सों परदेशिन भोग बिलास कियो।
करता धरता सब आप बने अति तुच्छ हमै निज दास कियो॥
इन स्वारथ मीत विधर्मिन के पद पूजत हा! कब लौं मरिये।
हम आरत...॥1॥
कोउ मूरख हिंदुन को ढिग कै निज निंदित शिष्य बनावत है।
बहकाय कुटुंब छुड़ाय छली फिर नेक नहीं अपनावत है॥
कोउ स्यामल रंगहि सों घिनकै जिय लेत बिलंब न लावत है।
यह दुर्गति देखि ह हा! हमरी अँखियान लहू भरि आवत है॥
न पुकार सुनै कोउ भूपति है किमि धीरज हाय हिये धरिये।
हम आरत...॥2॥
विधवा बिलपैं नित धेनु कटें कोउ लागत हाय गुहार नहीं।
पट भूषण बेचि भरै कर को तबहूँ लखिये बयपार नहीं॥
महँगी दुरभिक्ष कुरोगन ते भरि पेट जुहात अहार नहीं।
निजता इकता बलबुद्धि नहीं तिहि ऊपर हाथ हथ्यार नहीं॥
सबही बिधि दीन मलीन महा निशिबासर चित्त चिता जरिये।
हम आरत...॥3॥
हमरे अघ औगुन जो गनि हौ गनती नहिं लाख करोरन की।
जहँ प्रेम नहीं तहँ कौन कथा अपलच्छन और अभद्रन की॥
दुख देखि द्रवौ इक आश इती असहायन की असमर्थन की।
प्रभु की करुणाहु अनंत अहै जु कुकृत्ति घनो हम तुच्छन की॥
यह जानि प्रताप नरायन के उर अंतर ते न कहूँ टरिये।
हम आरत भारत बासिन पै अब दीनदयाल दया करिये॥4॥
nij hathan sarwasu khoy chuke kahan lau dukh pai dukh hi bhariye
hum aarat bharatwasin pai ab dinadyal daya kariye॥
lari bhain bhain aapas mein bal biraj waibhaw nash kiyo
sab ke ur aalas apriyta agh aadik bairin bas kiyo॥
hamre dhan son hamre tan son pardeshin bhog bilas kiyo
karta dharta sab aap bane ati tuchchh hamai nij das kiyo॥
in swarath meet widharmin ke pad pujat ha! kab laun mariye
hum aarat ॥1॥
kou murakh hindun ko Dhig kai nij nindit shishya banawat hai
bahkay kutumb chhuDay chhali phir nek nahin apnawat hai॥
kou syamal rangahi son ghinakai jiy let bilamb na lawat hai
ye durgati dekhi h ha! hamri ankhiyan lahu bhari aawat hai॥
na pukar sunai kou bhupati hai kimi dhiraj hay hiye dhariye
hum aarat ॥2॥
widhwa bilapain nit dhenu katen kou lagat hay guhar nahin
pat bhushan bechi bharai kar ko tabhun lakhiye baypar nahin॥
mahngi durbhiksh kurogan te bhari pet juhat ahar nahin
nijta ikta balbuddhi nahin tihi upar hath hathyar nahin॥
sabhi bidhi deen malin maha nishibasar chitt chita jariye
hum aarat ॥3॥
hamre agh augun jo gani hau ganti nahin lakh karoran ki
jahan prem nahin tahan kaun katha aplachchhan aur abhadran kee॥
dukh dekhi drwau ek aash iti ashayan ki asmarthan ki
prabhu ki karunahu anant ahai ju kukritti ghano hum tuchchhan kee॥
ye jani pratap narayan ke ur antar te na kahun tariye
hum aarat bharat basin pai ab dinadyal daya kariye॥4॥
nij hathan sarwasu khoy chuke kahan lau dukh pai dukh hi bhariye
hum aarat bharatwasin pai ab dinadyal daya kariye॥
lari bhain bhain aapas mein bal biraj waibhaw nash kiyo
sab ke ur aalas apriyta agh aadik bairin bas kiyo॥
hamre dhan son hamre tan son pardeshin bhog bilas kiyo
karta dharta sab aap bane ati tuchchh hamai nij das kiyo॥
in swarath meet widharmin ke pad pujat ha! kab laun mariye
hum aarat ॥1॥
kou murakh hindun ko Dhig kai nij nindit shishya banawat hai
bahkay kutumb chhuDay chhali phir nek nahin apnawat hai॥
kou syamal rangahi son ghinakai jiy let bilamb na lawat hai
ye durgati dekhi h ha! hamri ankhiyan lahu bhari aawat hai॥
na pukar sunai kou bhupati hai kimi dhiraj hay hiye dhariye
hum aarat ॥2॥
widhwa bilapain nit dhenu katen kou lagat hay guhar nahin
pat bhushan bechi bharai kar ko tabhun lakhiye baypar nahin॥
mahngi durbhiksh kurogan te bhari pet juhat ahar nahin
nijta ikta balbuddhi nahin tihi upar hath hathyar nahin॥
sabhi bidhi deen malin maha nishibasar chitt chita jariye
hum aarat ॥3॥
hamre agh augun jo gani hau ganti nahin lakh karoran ki
jahan prem nahin tahan kaun katha aplachchhan aur abhadran kee॥
dukh dekhi drwau ek aash iti ashayan ki asmarthan ki
prabhu ki karunahu anant ahai ju kukritti ghano hum tuchchhan kee॥
ye jani pratap narayan ke ur antar te na kahun tariye
hum aarat bharat basin pai ab dinadyal daya kariye॥4॥
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
