गिल्ला गुजारी
gilla gujari
द्याखउ-द्याखउ ददुआ होरेउ,
युहु कउनु जबाना आयि गवा!
मुँहुँ मूँदि-मूँदि अउँघान किह्यउ
बिपतिन का बादरु छायि गवा।
कुछु आदि करउ उयि बातन की,
तुमका सब देउता कहति रहयिं।
अब हरहा गोरू हायि भयउ!
सबका युहु बाना भायि गवा।
जी तुमते सिट्टाचारु सिखिनि,
तुमहे ते आउबु-जाबु सिखिनि,
अब अड्ड लगायि का अयिंठतिं हयिँ,
यहु उलटा जबाना छायि गवा
च्यातउ-च्यातउ, हउ बड़े चतुर,
कस भूलि गयउ कयि धुकुर-पुकुर।
सिंघन के सिंहयि बने रहउ,
अब चक्करु चक्करु खायि गवा!
स्रोत :
- पुस्तक : पढ़ीस ग्रंथावली (पृष्ठ 85)
- संपादक : डॉ. रामविलास शर्मा, युक्तिभद्र दीक्षित
- रचनाकार : बलभद्रप्रसाद दीक्षित 'पढ़ीस'
- प्रकाशन : उत्तर प्रदेश हिन्दी संस्थान, लखनऊ
- संस्करण : 1998
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
