भलमंसी का जामा पहिंदे
हम आहिन बड़े भलेमानुस।
चद्दरयि चारि तकिया त्यारह,
मलमल मखमली फूल वाली;
महलन मा मउज उड़ायिति हयि,
अप्छरा नचायी मतवाली।
गुलगुले गद्यालन पर पउढ़े
हम आहिन बड़े भलेमानुस।
पूरी पकवानु मिठाई अउ
छप्पनउ भ्वाग छत्तिस ब्यिंजन
घिउ के कुल्ला हम रोजु करी,
सरि जायिं कठउतिन भरि भोजन—
ह्वयि जायि अजीरन खाति-खाति।
हम आहिन बड़े भलेमानुस
हँयिं गाउँ-ग्यराउँ, जिमींदारी,
दुइ मिलयि खुलीं सक्करवाली
सोंठी साहुन के परप्वाता
हुंडी चलतीं मोहरवाली।
बंकन मा रुपया भरा परा
तिहिते हम बड़े भलेमानुस।
तुम भूँखन मरउ, मरउ भइय्या!
नंगे उघार झख मारि-मारि;
हम तउ मनइन मा द्यउता हन
युहु का जानी करतबु तुमार।
हम पर अनंद रूप बरसयि,
हम आहिन बड़े भलेमानुस।
तुम घामु-लूक की ऊकन मा
तावा अस तपउ-तपउ, ज्ञानी!
पाला, पाथर, पानी भ्वागउ
विधिना की अजभुत बानी।
हम हन पढ़ीस, हम बुद्धिमान,
तिहिं ते हम बड़े भलेमानुस।
bhalmansi ka jama pahinde
hum aahin baDe bhalemanus.
chaddarayi chari takiya tyarah,
malmal makhamli phool vali;
mahlan ma mauj uDayiti hayi,
apchhara nachayi matvali.
gulgule gadyalan par pauDhe
hum aahin baDe bhalemanus.
puri pakvanu mithai au
chhappanau bhvaag chhattis byinjan
ghiu ke kulla hum roju kari,
sari jayin kathautin bhari bhojan—
hvayi jayi ajiran khati khati.
hum aahin baDe bhalemanus
hanyin gaun gyraun, jimindari,
dui milayi khulin sakkarvali
sonthi sahun ke parapvata
hunDi chaltin moharvali.
bankan ma rupya bhara para
tihite hum baDe bhalemanus.
tum bhunkhan marau, marau bhaiyya!
nange ughaar jhakh mari mari;
hum tau manin ma dyauta han
yuhu ka jani karatabu tumar.
hum par anand roop barasayi,
hum aahin baDe bhalemanus.
tum ghamu look ki uukan ma
tava as tapau tapau, gyani!
pala, pathar, pani bhvagau
vidhina ki ajbhut bani.
hum han paDhis, hum buddhiman,
tihin te hum baDe bhalemanus.
bhalmansi ka jama pahinde
hum aahin baDe bhalemanus.
chaddarayi chari takiya tyarah,
malmal makhamli phool vali;
mahlan ma mauj uDayiti hayi,
apchhara nachayi matvali.
gulgule gadyalan par pauDhe
hum aahin baDe bhalemanus.
puri pakvanu mithai au
chhappanau bhvaag chhattis byinjan
ghiu ke kulla hum roju kari,
sari jayin kathautin bhari bhojan—
hvayi jayi ajiran khati khati.
hum aahin baDe bhalemanus
hanyin gaun gyraun, jimindari,
dui milayi khulin sakkarvali
sonthi sahun ke parapvata
hunDi chaltin moharvali.
bankan ma rupya bhara para
tihite hum baDe bhalemanus.
tum bhunkhan marau, marau bhaiyya!
nange ughaar jhakh mari mari;
hum tau manin ma dyauta han
yuhu ka jani karatabu tumar.
hum par anand roop barasayi,
hum aahin baDe bhalemanus.
tum ghamu look ki uukan ma
tava as tapau tapau, gyani!
pala, pathar, pani bhvagau
vidhina ki ajbhut bani.
hum han paDhis, hum buddhiman,
tihin te hum baDe bhalemanus.
स्रोत :
पुस्तक : पढ़ीस ग्रंथावली (पृष्ठ 107)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
