गएउ अगर परदेस ठेलुहना बैठि बजाइहैं तारी
जाएउ ना कहुँ मानउ बात हमारी
जइसे तइसे हम रहि लेबै कहुँ खाए बिन खाए
कइसे निपटी मुल लरिकन का अइसे बिना खवाए
दूधु बूँदु तौ दूरि धरौ फिरि, कौनु लइहै तरकारी
जाएउ ना कहुँ मानउ बात हमारी
खेत पात सब कौनु बचइहै कौनु चरहै गाईं
रोजु-रोजु ग्वाबरु उठवावइ अइहै कोई नाईं
कइसे पानी भरि भरि लइबो नलु नाहीं सरकारी
जाएउ ना कहुँ मानउ बात हमारी
साहूकार सेंठि जेतने बिन मतलब कुछु ना द्याहैं
भरि टकटकी अइस देखइ जस आँखिन मा धरि ल्याहैं
जौनुइ देखिहइ हमइ अकेले नीकि नजरि न डारी
जाएउ ना कहुँ मानउ बात हमारी
ऊँच नीच गर कुछु हुइगा तौ फिरि कबहूँ ना सुधरी
गयेन अगर थानेउ कहियाँ तौ उनका कुछु ना बिगरी
अइहैं गर कहँ पुलिस दरोगा वइउ सुनइहैं गारी
जाएउ ना कहुँ मानउ बात हमारी
घरु होतो तौ बात अलग है टूटि गयी हैं टटिया
कइसे ख्याल अकेले रखिबै चंचल लरिका बिटिया
थर-थर देह कँपइ हमरी जब आवइ यादि निठारी
जाएउ ना कहुँ मानउ बात हमारी
रोकिहउ बहुत मगर मन डोली देखि बदन अधनंगे
हम जानिति हन रपटि परे पर करिहौ हर हर गंगे
हुअन से अइहौ तब अइहै वह लाइलाज बीमारी
जाएउ ना कहुँ मानउ बात हमारी
geu agar pardes theluhna baithi bajaihain tari
jayeu na kahun manau baat hamari
jaise taise hum rahi lebai kahun khaye bin khaye
kaise nipti mul larikan ka aise bina khavaye
dudhu bundu tau duri dharau phiri, kaunu laihai tarkari
jayeu na kahun manau baat hamari
khet paat sab kaunu bachaihai kaunu charahai gain
roju roju gvabaru uthvavai aihai koi nain
kaise pani bhari bhari laibo nalu nahin sarkari
jayeu na kahun manau baat hamari
sahukar senthi jetne bin matlab kuchhu na dyahain
bhari takatki ais dekhai jas ankhin ma dhari lyahain
jaunui dekhihai hamai akele niki najri na Dari
jayeu na kahun manau baat hamari
uunch neech gar kuchhu huiga tau phiri kabhun na sudhri
gayen agar thaneu kahiyan tau unka kuchhu na bigri
aihain gar kahan pulis daroga vaiu sunaihain gari
jayeu na kahun manau baat hamari
gharu hoto tau baat alag hai tuti gayi hain tatiya
kaise khyaal akele rakhibai chanchal larika bitiya
thar thar deh kanpai hamri jab avai yadi nithari
jayeu na kahun manau baat hamari
rokihau bahut magar man Doli dekhi badan adhnange
hum janiti han rapati pare par karihau har har gange
huan se aihau tab aihai wo lailaj bimari
jayeu na kahun manau baat hamari
geu agar pardes theluhna baithi bajaihain tari
jayeu na kahun manau baat hamari
jaise taise hum rahi lebai kahun khaye bin khaye
kaise nipti mul larikan ka aise bina khavaye
dudhu bundu tau duri dharau phiri, kaunu laihai tarkari
jayeu na kahun manau baat hamari
khet paat sab kaunu bachaihai kaunu charahai gain
roju roju gvabaru uthvavai aihai koi nain
kaise pani bhari bhari laibo nalu nahin sarkari
jayeu na kahun manau baat hamari
sahukar senthi jetne bin matlab kuchhu na dyahain
bhari takatki ais dekhai jas ankhin ma dhari lyahain
jaunui dekhihai hamai akele niki najri na Dari
jayeu na kahun manau baat hamari
uunch neech gar kuchhu huiga tau phiri kabhun na sudhri
gayen agar thaneu kahiyan tau unka kuchhu na bigri
aihain gar kahan pulis daroga vaiu sunaihain gari
jayeu na kahun manau baat hamari
gharu hoto tau baat alag hai tuti gayi hain tatiya
kaise khyaal akele rakhibai chanchal larika bitiya
thar thar deh kanpai hamri jab avai yadi nithari
jayeu na kahun manau baat hamari
rokihau bahut magar man Doli dekhi badan adhnange
hum janiti han rapati pare par karihau har har gange
huan se aihau tab aihai wo lailaj bimari
jayeu na kahun manau baat hamari
स्रोत :
पुस्तक : सिरका (अवधी गीत संग्रह) (पृष्ठ 13)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
