अबैत जाउ हे अग्रजलोकनि, अबैत जाउ
अहाँक स्वागत अछि, अबैत जाउ
मुदा, अहाँ अपन उपदेशक पेटार बन्न राखू
हमरा नहि चाही अहाँक पयर अथवा मुट्ठी
हम अपनहि पयरेँ नापब देश-कोस
हमरा अपनहि मुट्ठी मे अछि कालखंडक मानचित्र
हम अपनहि हाथेँ टोबैत छी, टोबैत रहब प्राणशिरा
अबैत जाउ हे अग्रजलोकनि, अबैत जाउ!
माथ परक छत्ता अहाँक अपन नहि छी
ओहि मे अहाँ नहि अँटि सकब
ओकर कमानी टूटल आ कपड़ा फाटल अछि
गसियाक’ धयने रौद मे, बरखा मे ओ नहि बाँचत
अन्हड़ मे उड़िया जायत
ओ बड़ ओछ अछि
अबैत जाउ हे अग्रजलोकनि, अबैत जाउ!
कोनो अहिंसात्मक शब्द केँ
गलित शब्द-लहास केँ
भोंकैत रहला सँ कोरामिन
सुँघबैत रहला सँ ऑक्सीजन
ओ कपोत जकाँ नहि उड़ि सकत
नील उन्मुक्त आकाश मे
ओ फाटल फुकना जकाँ लुद द’ बैसि रहत
अबैत आउ हे अग्रजलोकनि, अबैत जाउ!
बिहरि मे जुनि नुकाउ
ओ सड़ि गेल अछि, आबि रहल अछि दुर्गन्ध
लोहक टोप उतारि लिय’
भरिया गेल होयत माथ
देबालक ओहि पार जुनि जाउ
लोह भ’ जायत गात
लोह कटैत अछि छेनी सँ
चोट पड़ैत छैक हथौड़ा सँ
अखन हमरा हाथ मे कागत अछि
अखन हमरा हाथ मे कलम अछि
अबैत जाउ हे अग्रजलोकनि, अबैत जाउ!
—अहाँक स्वागत अछि!
abait jau he agrajlokani, abait jau
ahank svagat achhi, abait jau
muda, ahan apan updeshak petar bann rakhu
hamra nahi chahi ahank payar athva mutthi
hum apanahi payren napab desh kos
hamra apanahi mutthi mae achhi kalkhanDak manachitr
hum apanahi hathen tobait chhi, tobait rahab pranashira
abait jau he agrajlokani, abait jau!
maath parak chhatta ahank apan nahi chhi
ohi mae ahan nahi anti sakab
okar kamani tutal aa kapDa phatal achhi
gasiyak’ dhayne raud mae, barkha mae o nahi banchat
anhaD mae uDiya jayat
o baD ochh achhi
abait jau he agrajlokani, abait jau!
kono ahinsatmak shabd ken
galit shabd lahas ken
bhonkait rahla san koramin
sunghabait rahla san auksijan
o kapot jakan nahi uDi sakat
neel unmukt akash mae
o phatal phukna jakan lud da’ baisi raht
abait aau he agrajlokani, abait jau!
bihari mae juni nukau
o saDi gel achhi, aabi rahal achhi durgandh
lohak top utari liy’
bhariya gel hoyat maath
debalak ohi paar juni jau
loh bha’ jayat gaat
loh katait achhi chheni san
chot paDait chhaik hathauDa san
akhan hamra haath mae kagat achhi
akhan hamra haath mae kalam achhi
abait jau he agrajlokani, abait jau!
—ahank svagat achhi!
abait jau he agrajlokani, abait jau
ahank svagat achhi, abait jau
muda, ahan apan updeshak petar bann rakhu
hamra nahi chahi ahank payar athva mutthi
hum apanahi payren napab desh kos
hamra apanahi mutthi mae achhi kalkhanDak manachitr
hum apanahi hathen tobait chhi, tobait rahab pranashira
abait jau he agrajlokani, abait jau!
maath parak chhatta ahank apan nahi chhi
ohi mae ahan nahi anti sakab
okar kamani tutal aa kapDa phatal achhi
gasiyak’ dhayne raud mae, barkha mae o nahi banchat
anhaD mae uDiya jayat
o baD ochh achhi
abait jau he agrajlokani, abait jau!
kono ahinsatmak shabd ken
galit shabd lahas ken
bhonkait rahla san koramin
sunghabait rahla san auksijan
o kapot jakan nahi uDi sakat
neel unmukt akash mae
o phatal phukna jakan lud da’ baisi raht
abait aau he agrajlokani, abait jau!
bihari mae juni nukau
o saDi gel achhi, aabi rahal achhi durgandh
lohak top utari liy’
bhariya gel hoyat maath
debalak ohi paar juni jau
loh bha’ jayat gaat
loh katait achhi chheni san
chot paDait chhaik hathauDa san
akhan hamra haath mae kagat achhi
akhan hamra haath mae kalam achhi
abait jau he agrajlokani, abait jau!
—ahank svagat achhi!
स्रोत :
पुस्तक : संग समय के (पृष्ठ 9)रचनाकार : महाप्रकाश
प्रकाशन : अंतिका प्रकाशन
संस्करण : 2007
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
