ई देश हमर, सन्देश अमर, युग-युगसँ जगकेँ दैत रहल,
पुरुषत्व हमर, मनुजत्व हमर, मानवताकेँ सजबैत रहल।
हम इतिहासक निर्माता छी,
नव मुक्ति-मन्त्र उद्गाता छी,
दलितक, पतितक नव अध्यायक पन्ना तपि-तपि पलटैत रहल,
ई देश हमर, सन्देश अमर, युग-युगसँ जगकेँ दैत रहल।
'याचितारश्च न : सन्तु' तथा
'याचिष्म मा च कञ्चन' कहि हम
वन्दना करी पितरक श्रद्धासँ,
राखि हृदय विश्वास चरम
चौदिशसँ आयल संस्कृतिकेँ निष्कपट भेल पचबैत रहल,
ई देश हमर, सन्देश अमर, युग-युगसँ जगकेँ दैत रहल।
कयलक नहि ककरो रोमभंग,
औदार्य भाव शत्रुहुक संग—
रखइत, सहलक विश्वासघात, दुख सागरकेँ उपछैत रहल,
ई देश हमर, सन्देश अमर, युग-युगसँ जगकेँ दैत रहल।
यदि गदह-पचीसी बीति गेल,
देशक हित मनमे प्रीति भेल,
दृढ़ बढ़त चरण प्रगतिक पथपर, उत्साह भाव उछिलैत रहल।
ई देश हमर, सन्देश अमर, युग-युगसँ जगकेँ दैत रहल।
ii desh hamar, sandesh amar, yug yugasan jagken dait rahal,
purushatv hamar, manujatv hamar, manavtaken sajbait rahal.
hum itihasak nirmata chhi,
nav mukti mantr udgata chhi,
dalitak, patitak nav adhyayak panna tapi tapi paltait rahal,
ii desh hamar, sandesh amar, yug yugasan jagken dait rahal.
yachitarashch na ha santu tatha
yachishm ma cha kanchan kahi hum
vandna kari pitrak shraddhasan,
rakhi hriday vishvas charam
chaudishasan aayal sanskritiken nishkapat bhel pachbait rahal,
ii desh hamar, sandesh amar, yug yugasan jagken dait rahal.
kaylak nahi kakro rombhang,
audarya bhaav shatruhuk sang—
rakhit, sahlak vishvasghat, dukh sagarken upchhait rahal,
ii desh hamar, sandesh amar, yug yugasan jagken dait rahal.
yadi gadah pachisi biti gel,
deshak hit manme priti bhel,
driDh baDhat charan pragtik pathpar, utsaah bhaav uchhilait rahal.
ii desh hamar, sandesh amar, yug yugasan jagken dait rahal.
ii desh hamar, sandesh amar, yug yugasan jagken dait rahal,
purushatv hamar, manujatv hamar, manavtaken sajbait rahal.
hum itihasak nirmata chhi,
nav mukti mantr udgata chhi,
dalitak, patitak nav adhyayak panna tapi tapi paltait rahal,
ii desh hamar, sandesh amar, yug yugasan jagken dait rahal.
yachitarashch na ha santu tatha
yachishm ma cha kanchan kahi hum
vandna kari pitrak shraddhasan,
rakhi hriday vishvas charam
chaudishasan aayal sanskritiken nishkapat bhel pachbait rahal,
ii desh hamar, sandesh amar, yug yugasan jagken dait rahal.
kaylak nahi kakro rombhang,
audarya bhaav shatruhuk sang—
rakhit, sahlak vishvasghat, dukh sagarken upchhait rahal,
ii desh hamar, sandesh amar, yug yugasan jagken dait rahal.
yadi gadah pachisi biti gel,
deshak hit manme priti bhel,
driDh baDhat charan pragtik pathpar, utsaah bhaav uchhilait rahal.
ii desh hamar, sandesh amar, yug yugasan jagken dait rahal.
स्रोत :
पुस्तक : चन्द्रनाथमिश्र ‘अमर’ रचना संचयन (पृष्ठ 353)संपादक : योगानन्द झा, शम्भुनाथ झा, विजयदेव झा रचनाकार : चन्द्रनाथ मिश्र ‘अमर’
प्रकाशन : साहित्य अकादेमी, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
