गइल्या हमरी नगरिया अँधेर कइके
gailya hamri nagariya andher kaike
परवाना प्रतापगढ़ी
Parwana Pratapgarhi
गइल्या हमरी नगरिया अँधेर कइके
gailya hamri nagariya andher kaike
Parwana Pratapgarhi
परवाना प्रतापगढ़ी
और अधिकपरवाना प्रतापगढ़ी
हमै बार-बार जिन याद आवा सजना।
जिन रतियौ कै निदिया उड़ावा सजना।
आस तोहरे मिलन कै लगाये बैठे,
तोरे डगरा मा नयनवा बिछाये बैठे,
कबौ अपनी अटरिया बुलावा सजना,
जिन रतियौ...
आवा मोर फुलवरिया बहार बन के,
रहबै तोहरे चरनवा तोहार बन के,
वही प्रितिया कै गितिया सुनावा सजना,
जिन रतियौ...
गइल्या हमरी नगरिया अँधेर कइके,
बाट्या अपनी महलिया अँजोर कइके,
मोरे अँगनौ मा दियना जरावा सजना,
जिन रतियौ...
नैन खोला एक दाँय भरि जाय गगरी,
लट खोल के बिखेरा छाय जाय बदरी,
परवनवौ कै जिया जुड़वावा सजना,
जिन रतियौ...
स्रोत :
- पुस्तक : रस गागरी (पृष्ठ 7)
- रचनाकार : परवाना प्रतापगढ़ी
- प्रकाशन : अभिव्यक्ति संगम, साहित्यिक संस्था, लालगंज प्रतापगढ़
- संस्करण : 2013
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
