अवसरक तराजू टपाकऽ
खूब काज सुतारै छह, राजनीति मिसर!
धर्म-कर्म
इतिहास-भूगोल
जाति-भाषाक
बड़ कयलह बाँट-बखरा
मकड़ा सन तोहर
जबाब नहि छह
वाह, खूब परतारै छह, राजनीति मिसर!
लोक के बाँटि-कूटि
अपने खयबाक लेल
राजाघर जयबाक हिस्सक
अदौसँ लगौने छह।
अनकर विवशता नोंचि-नांचि
अपन भूख मेटयबाक प्रवृत्ति
खूब जगौने छह।
सूताबह-सूताबह
हफीम खुआ लोककेँ सुताबह
ओंघाइत, सपनाइत लोककेँ
वाह, खूब बहटारै छह, राजनीति मिसर!
अकाल तख्त
राम जन्मभूमि
बाबरी मस्जिद आ
सती चबूतराक
चारूकात हाथमे
खूजल तरुआरि दऽ कए
बिना कोनो मेंहक
दाउन करबैत छह।
बिला गेल नाँगरिकेँ
फेरसँ उगबैत छह।
बान्हह, बान्हह
आँखिपर पट्टी बान्हह
लोकेक काटल औंठा देखा
वाह, लोकेकेँ पुचकारै छह, राजनीति मिसर!
हे आब एहि भ्रममे
नहि रहऽ जे
तोँ अंगुलीमाल बनल रहबह
आ कपिलवस्तुक कोनो सिद्धार्थ
बुद्ध बनि कऽ तोहर
हृदय परिवर्तन करथुन।
आब तँ प्रत्येक कटल औंठा
अपन हिसाब अपने करत।
तोहर चेहराक एक-एक खोल
लोक आब उतारै छह, राजनीति मिसर!
avasrak taraju tapakऽ
khoob kaaj sutarai chhah, rajaniti misar!
dharm karm
itihas bhugol
jati bhashak
baD kaylah baant bakhra
makDa san tohar
jabab nahi chhah
vaah, khoob partarai chhah, rajaniti misar!
lok ke banti kuti
apne khaybak lel
rajaghar jaybak hissak
adausan lagaune chhah.
ankar vivashta nonchi nanchi
apan bhookh metaybak prvritti
khoob jagaune chhah.
sutabah sutabah
haphim khua lokken sutabah
onghait, sapnait lokken
vaah, khoob bahtarai chhah, rajaniti misar!
akal takht
raam janmabhumi
babari masjid aa
sati chabutrak
charukat hathme
khujal taruari daऽ ke
bina kono menhak
daun karbait chhah.
bila gel nangriken
pherasan ugbait chhah.
banhah, banhah
ankhipar patti banhah
lokek katal auntha dekha
vaah, lokeken puchkarai chhah, rajaniti misar!
he aab ehi bhramme
nahi rahऽ je
ton angulimal banal rahbah
aa kapilvastuk kono siddharth
buddh bani kaऽ tohar
hriday parivartan karthun.
aab tan pratyek katal auntha
apan hisab apne karat.
tohar chehrak ek ek khol
lok aab utarai chhah, rajaniti misar!
avasrak taraju tapakऽ
khoob kaaj sutarai chhah, rajaniti misar!
dharm karm
itihas bhugol
jati bhashak
baD kaylah baant bakhra
makDa san tohar
jabab nahi chhah
vaah, khoob partarai chhah, rajaniti misar!
lok ke banti kuti
apne khaybak lel
rajaghar jaybak hissak
adausan lagaune chhah.
ankar vivashta nonchi nanchi
apan bhookh metaybak prvritti
khoob jagaune chhah.
sutabah sutabah
haphim khua lokken sutabah
onghait, sapnait lokken
vaah, khoob bahtarai chhah, rajaniti misar!
akal takht
raam janmabhumi
babari masjid aa
sati chabutrak
charukat hathme
khujal taruari daऽ ke
bina kono menhak
daun karbait chhah.
bila gel nangriken
pherasan ugbait chhah.
banhah, banhah
ankhipar patti banhah
lokek katal auntha dekha
vaah, lokeken puchkarai chhah, rajaniti misar!
he aab ehi bhramme
nahi rahऽ je
ton angulimal banal rahbah
aa kapilvastuk kono siddharth
buddh bani kaऽ tohar
hriday parivartan karthun.
aab tan pratyek katal auntha
apan hisab apne karat.
tohar chehrak ek ek khol
lok aab utarai chhah, rajaniti misar!
स्रोत :
पुस्तक : चक्रव्यूह पसरैत (पृष्ठ 70)रचनाकार : अशोक
प्रकाशन : नवारम्भ
संस्करण : 2023
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
