चलल चुनावी चर्चा चहुँदिसि—
चढ़ल चंग पर चोला
देखीं, अबकी बे का होला
देखीं-देखीं, अबकी बे का होला
ऊहे रही कि ऊहो जाई
के खोरी के खाई
अबकी कवन चोर चउमाथा—
चढ़ के बिरहा गाई
केकरा मन माहुर के मोरी—
मय मुँह से मिठबोला
देखीं, अबकी बे का होला
आपन-आपन धरम धरीं जा
आपन-आपन जतिया
छोड़ीं छाव न कबो—
बिसारीं पँचबरिसा दुरगतिया
अपना आँठी के अलमोला—
अवसि-अवसि अनमोला
देखीं, अबकी बे का होला
ऐरू-गैरू-नत्थू-खैरू
लेंढ़ा-ढोंढ़ा-मंगरू
अखनी सब बाबू-भइया, जे—
सब दिन बलि के बछरू
ईहे मोका बा बोका जी
रउरो ठाँसी छोला
देखीं, अबकी बे का होला
एने देश रसातल, ओने—
भारी भासन भोंभा
बाटुर भोट बटोरीं, चाभीं—
रजगद्दी मलगोभा
हे हाथे लुचुई ल लोगिन
हो हाथे हजमोला
देखीं, अबकी बे का होला
जहँवे चहले तहें मुँतवले
अब कलकल ककुलावे अइले
एक्के थइला से छितरा के
ऊहे मुँह महकावे अइले
अँइसे त जानल—
हर फर जितबे बमगोला
देखीं, अबकी बे का होला
देखीं-देखीं, अबकी बे का होला...
chalal chunavi charcha chahundisi—
chaDhal chang par chola
dekhin, abki be ka hola
dekhin dekhin, abki be ka hola
uuhe rahi ki uuho jai
ke khori ke khai
abki kavan chor chaumatha—
chaDh ke birha gai
kekra man mahur ke mori—
may munh se mithbola
dekhin, abki be ka hola
aapan aapan dharam dharin ja
aapan aapan jatiya
chhoDin chhaav na kabo—
bisarin panchabrisa duragatiya
apna anthi ke almola—
avasi avasi anmola
dekhin, abki be ka hola
airu gairu natthu khairu
lenDha DhonDha mangru
akhni sab babu bhaiya, je—
sab din bali ke bachhru
iihe moka ba boka ji
rauro thansi chhola
dekhin, abki be ka hola
ene desh rasatal, one—
bhari bhasan bhombha
batur bhot batorin, chabhin—
rajgaddi malgobha
he hathe luchui la login
ho hathe hajmola
dekhin, abki be ka hola
jahnve chahle tahen muntavale
ab kalkal kakulave aile
ekke thaila se chhitra ke
uuhe munh mahkave aile
anise ta janal—
har phar jitbe bamgola
dekhin, abki be ka hola
dekhin dekhin, abki be ka hola. . .
chalal chunavi charcha chahundisi—
chaDhal chang par chola
dekhin, abki be ka hola
dekhin dekhin, abki be ka hola
uuhe rahi ki uuho jai
ke khori ke khai
abki kavan chor chaumatha—
chaDh ke birha gai
kekra man mahur ke mori—
may munh se mithbola
dekhin, abki be ka hola
aapan aapan dharam dharin ja
aapan aapan jatiya
chhoDin chhaav na kabo—
bisarin panchabrisa duragatiya
apna anthi ke almola—
avasi avasi anmola
dekhin, abki be ka hola
airu gairu natthu khairu
lenDha DhonDha mangru
akhni sab babu bhaiya, je—
sab din bali ke bachhru
iihe moka ba boka ji
rauro thansi chhola
dekhin, abki be ka hola
ene desh rasatal, one—
bhari bhasan bhombha
batur bhot batorin, chabhin—
rajgaddi malgobha
he hathe luchui la login
ho hathe hajmola
dekhin, abki be ka hola
jahnve chahle tahen muntavale
ab kalkal kakulave aile
ekke thaila se chhitra ke
uuhe munh mahkave aile
anise ta janal—
har phar jitbe bamgola
dekhin, abki be ka hola
dekhin dekhin, abki be ka hola. . .
स्रोत :
पुस्तक : अरज-निहोरा (पृष्ठ 85)रचनाकार : प्रकाश उदय
प्रकाशन : राजकमल प्रकाशन
संस्करण : 2020
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
