सब पिज्जा बर्गर मा परिके, घर भरता भौरी भूलि गये।
दलभरी, गुलगुला, ननबरिया, झुरकुल, कोंहड़ौरी भूलि गये।
दालिक दुलहा, काढ़ा, फतका, रसियाउरि, पनियाई रोटी,
है कढ़ी पकौड़ा यादि मुला, सब पना फुलौरी भूलि गये।
अब राम स्याम मोहन भूले, हैं नाँवउ धरैं बबली बंटी।
सब संस्कार भुँइदोज भवा, ई मानौ खतरा कै घंटी।
हँसुली, टेड़िया, बाला बुन्दा ई सब जिन्दा इतिहास भये,
काकी, चाची, मामी, मौसी सब रिस्ता खाय गयीं अंटी।
सब बेबो कट्ट कटाये हैं, अब फीता चौंरी भूलि गये।
है कढ़ी पकौड़ा यादि मुला...
अँगरेजी कै है बोल, भला का जानै, मोल जुआठा कै।
बिगहा, बिसुआ कुछ पतै नाय, ना कसी, कड़ी, औ गाठा कै।
हेंगा का ठेंगा पर देखा, लढ़िहा जग से अन्जलम भईं,
जे खावा, स्वाद वहै जानै, साँवा, कोदो औ साठा कै।
रोटावेटर जब से आवा, सब हर कै झौंरी भूलि गये।
है कढ़ी पकौड़ा यादि मुला...
खलिहर खेतेक पलिहर कइकै, ऊ खास तयारी का जानैं।
नादा, चन्नी, हँसिया, खुरपा, भूसा औ घारी का जानै।
पेटुआ, कमसेठी, झँखरा, सन, होरहा और डोड़ा जोंधरी कै,
खरिहाने मइहाँ बलिकटवा, धाने के पयारी का जानैं।
अब काम चलै कम्पाइन से सब बरधेक दौंरी भूलि गये।
है कढ़ी पकौड़ा यादि मुला...
sab pijja bargar ma parike, ghar bharta bhauri bhuli gaye.
dalabhri, gulgula, nanabariya, jhurkul, konhDauri bhuli gaye.
dalik dulha, kaDha, phatka, rasiyauri, paniyai roti,
hai kaDhi pakauDa yadi mula, sab pana phulauri bhuli gaye.
ab raam syaam mohan bhule, hain nanvau dharain babli banti.
sab sanskar bhunidoj bhava, ii manau khatra kai ghanti.
hansuli, teDiya, bala bunda ii sab jinda itihas bhaye,
kaki, chachi, mami, mausi sab rista khaay gayin anti.
sab bebo katt kataye hain, ab phita chaunri bhuli gaye.
hai kaDhi pakauDa yadi mula. . .
angreji kai hai bol, bhala ka janai, mol juatha kai.
bigha, bisua kuch patai naay, na kasi, kaDi, au gatha kai.
henga ka thenga par dekha, laDhiha jag se anjlam bhain,
je khava, svaad vahai janai, sanva, kodo au satha kai.
rotavetar jab se aava, sab har kai jhaunri bhuli gaye.
hai kaDhi pakauDa yadi mula. . .
khalihar khetek palihar kaikai, uu khaas tayari ka janain.
nada, channi, hansiya, khurpa, bhusa au ghari ka janai.
petua, kamsethi, jhankhara, san, horaha aur DoDa jondhri kai,
kharihane maihan balikatva, dhane ke payari ka janain.
ab kaam chalai kampain se sab bardhek daunri bhuli gaye.
hai kaDhi pakauDa yadi mula. . .
sab pijja bargar ma parike, ghar bharta bhauri bhuli gaye.
dalabhri, gulgula, nanabariya, jhurkul, konhDauri bhuli gaye.
dalik dulha, kaDha, phatka, rasiyauri, paniyai roti,
hai kaDhi pakauDa yadi mula, sab pana phulauri bhuli gaye.
ab raam syaam mohan bhule, hain nanvau dharain babli banti.
sab sanskar bhunidoj bhava, ii manau khatra kai ghanti.
hansuli, teDiya, bala bunda ii sab jinda itihas bhaye,
kaki, chachi, mami, mausi sab rista khaay gayin anti.
sab bebo katt kataye hain, ab phita chaunri bhuli gaye.
hai kaDhi pakauDa yadi mula. . .
angreji kai hai bol, bhala ka janai, mol juatha kai.
bigha, bisua kuch patai naay, na kasi, kaDi, au gatha kai.
henga ka thenga par dekha, laDhiha jag se anjlam bhain,
je khava, svaad vahai janai, sanva, kodo au satha kai.
rotavetar jab se aava, sab har kai jhaunri bhuli gaye.
hai kaDhi pakauDa yadi mula. . .
khalihar khetek palihar kaikai, uu khaas tayari ka janain.
nada, channi, hansiya, khurpa, bhusa au ghari ka janai.
petua, kamsethi, jhankhara, san, horaha aur DoDa jondhri kai,
kharihane maihan balikatva, dhane ke payari ka janain.
ab kaam chalai kampain se sab bardhek daunri bhuli gaye.
hai kaDhi pakauDa yadi mula. . .
स्रोत :
पुस्तक : अवधी मिठास (पृष्ठ 28)रचनाकार : मनोज मिश्र ‘कप्तान’
प्रकाशन : सर्वभाषा प्रकाशन, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
