हम तौ बाटे एक लरिका नदान बाबू जी,
कुल बिपतिऐ बा कपारे हम किसान बाबू जी,
फटी लँगोटी, टुटहा जूता, बिगड़ा ताना-बाना,
लाख जतन जौ करी, तौ पाई पेट भरै कै दाना,
एक दिन मिलि जइहैं माटी म परान बाबू जी,
कुल बिपतिऐ...
जेतनै भार परै उपरा हम ओतनै ओका झेली,
सूखी रोटी खाइ के अपने लरिकन के सँग खेली,
कैसे बितिहैं अब तौ मँहगा हर सामान बाबू जी,
कुल बिपतिऐ...
कानी-कौड़ी पास नहीं आकास चढ़ी मँहगाई,
रात-रात भै जागि के नैना भोर भये पथराई,
जब से बिटिया होय गै घरवा मा सयान बाबू जी,
कुल बिपतिऐ...
पँचवे ताईं पढि के बेटवा बनिगे राम पुजारी,
जौनी जौनी डगरा जाई लोगय कहैं भिखारी,
हमरे होठवा नाही खेलिहैं मुस्कान बाबू जी,
कुल बिपतिऐ...
खाद-बीज सरकार देय तौ बेंच लेंय अधिकारी
कुछ तौ सूखा बूड़ा लइगा कुछ का लाग बिमारी,
बड़े मनई के हाथे कुल जहान बाबू जी,
कुल बिपतिऐ...
सीना खोले सीमा पै अब दुस्मन करैं गोहार,
केहु के हाथे बरछी भाला केहू लेहे अंगार,
मोरे हथवा म थमावा अब कमान बाबू जी,
कुल बिपतिऐ...
hum tau bate ek larika nadan babu ji,
kul bipatiai ba kapare hum kisan babu ji,
phati langoti, tutha juta, bigDa tana bana,
laakh jatan jau kari, tau pai pet bharai kai dana,
ek din mili jaihain mati ma paran babu ji,
kul bipatiai. . .
jetanai bhaar parai upra hum otanai oka jheli,
sukhi roti khai ke apne larikan ke sang kheli,
kaise bitihain ab tau manhaga har saman babu ji,
kul bipatiai. . .
kani kauDi paas nahin akas chaDhi manhgai,
raat raat bhai jagi ke naina bhor bhaye pathrai,
jab se bitiya hoy gai gharva ma sayan babu ji,
kul bipatiai. . .
panchave tain paDhi ke betva banige raam pujari,
jauni jauni Dagra jai logay kahain bhikhari,
hamre hothva nahi khelihain muskan babu ji,
kul bipatiai. . .
khaad beej sarkar dey tau bench lenya adhikari
kuch tau sukha buDa laiga kuch ka laag bimari,
baDe manii ke hathe kul jahan babu ji,
kul bipatiai. . .
sina khole sima pai ab dusman karain gohar,
kehu ke hathe barchhi bhala kehu lehe angar,
more hathva ma thamava ab kaman babu ji,
kul bipatiai. . .
hum tau bate ek larika nadan babu ji,
kul bipatiai ba kapare hum kisan babu ji,
phati langoti, tutha juta, bigDa tana bana,
laakh jatan jau kari, tau pai pet bharai kai dana,
ek din mili jaihain mati ma paran babu ji,
kul bipatiai. . .
jetanai bhaar parai upra hum otanai oka jheli,
sukhi roti khai ke apne larikan ke sang kheli,
kaise bitihain ab tau manhaga har saman babu ji,
kul bipatiai. . .
kani kauDi paas nahin akas chaDhi manhgai,
raat raat bhai jagi ke naina bhor bhaye pathrai,
jab se bitiya hoy gai gharva ma sayan babu ji,
kul bipatiai. . .
panchave tain paDhi ke betva banige raam pujari,
jauni jauni Dagra jai logay kahain bhikhari,
hamre hothva nahi khelihain muskan babu ji,
kul bipatiai. . .
khaad beej sarkar dey tau bench lenya adhikari
kuch tau sukha buDa laiga kuch ka laag bimari,
baDe manii ke hathe kul jahan babu ji,
kul bipatiai. . .
sina khole sima pai ab dusman karain gohar,
kehu ke hathe barchhi bhala kehu lehe angar,
more hathva ma thamava ab kaman babu ji,
kul bipatiai. . .
स्रोत :
पुस्तक : रस गागरी (पृष्ठ 29)रचनाकार : परवाना प्रतापगढ़ी
प्रकाशन : अभिव्यक्ति संगम, साहित्यिक संस्था, लालगंज प्रतापगढ़
संस्करण : 2013
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
