पानी से जिउ उबियाइ गवा।
सब ताल तलइया मुची-मुच्च,
गड़ही-गड़वा उतिराइ गवा।
पानी से जिउ उबियाइ गवा।
हप्तन से दइव कोपान अहयँ,
चारिउ मू हाहाकार अहय।
कुल गाँव-मोहल्ला साँसत मा,
बूड़त सबकय घरबार अहय।
चंदर काका के भितरे तक,
गाँठी भै पानी भरा अहय।
ग्यानिव कै कोठरी गिरति अहय,
जे जीतय जिउ अधमरा अहय।
जेहकय खेती होइगय उछिन्न,
ऊ चिंता मा पगलाइ गवा।1।
पानी से जिउ उबियाइ गवा।
कच्ची बखरी, खपरैल, छानि
सब भरभराइ चुइ परति अहयँ।
मनई-गोरु सब भें बेहाल,
बोकरी दबाइ के मरति अहयँ।
जब करकराइ के बरसा तौ,
नरदा फँसि गवा नताने कय
चँहटा मा तेलहिन चाची कय
गिरि गवा टप्स एक काने कय।
कतहूँ केहू नहीं ना सलकंते,
सबकय चेहरा मुरझाइ गवा।2।
पानी से जिउ उबियाइ गवा।
पानिन उल्चय मा जुटा अहयँ,
घरभय अब पारा-पारी सब।
पपुवाइन चढीं अटारी पय,
नीचे पंडित बनवारी सब।
गति बाटय बूढ़ पुरनियन कय,
एहि बूडा मा खोब पस्त भयेन।
का मनइन-गोरू,पसु-पच्छी?
कीरा-बीछी सब त्रस्त भयेन।
गउना अस तइरय पानी मा,
जस नाउ केहू तइराइ गवा।।3।
पानी से जिउ उबियाइ गवा।
एहि घोर मुसीबत मा सबकय,
सब मदत करय मा लाग अहयँ।
कुछ जने घरे से भीटा पय
खटिया-मचिया लइ भाग अहयँ।
केहु बइठा अहय बंड़ेरी पय,
केहु जिउ लुकवाये पेड़े पय।
चारिउ मू छीछालेदर बा,
सड़की चकरोटे मेड़े पय।
ओढ़ना-कपड़ा, कथरी-गुदरी,
सब सीड़ा मा लसियाइ गवा।4।
पानी से जिउ उबियाइ गवा।
ई सई नदी उफनानि अहय,
गाँवन कय हालत खस्ता बा।
गंगा माई की किरपा से,
सूझत ना एक्कव रस्ता बा।
घर-खेत, गाँव, रस्ता पँइड़ा,
बगिया पानी से भरी अहय।
कउनी मू गाड़यँ दुइ दिन से,
चंदू कय बछिया मरी अहय।
जिउ बहुतय गाढ़े परा अहय,
ई कइसा दुरदिन आइ गवा।5।
पानी से जिउ उबियाइ गवा।
जबसे ई चिर्री गिरति अहय,
जबसे ई बूँदाबाँदी बा।
नेतन कय हाल बताई का,
कुछ कय तौ एकदम चाँदी बा।
हेलीकप्टर से उड़त-जमत,
दौरा पय दौरा करत अहयँ।
औ मनई माछी-मच्छर अस,
बिन दाना-पानी मरत अहयँ।
ना हया-सरम, ना दया-धरम,
इनका ई कहाँ सिखाइ गवा।6।
पानी से जिउ उबियाइ गवा।
लागत बा जइसे इंद्रदेव,
धरती से बहुत कोपान अहयँ।
सब त्राहि-त्राहि चिल्लात अहयँ,
ये मूँदे दुइनव कान अहयँ।
भारी जन-धन कय चारिउ मू
यहि परलय मा नसकान अहय।
एन सबकी मदत मा रातिव-दिन,
सेना-सासन हलकान अहय।
जे पाइस राहत सामग्री,
ऊ नयी ज़िंदगी पाइ गवा।7।
पानी से जिउ उबियाइ गवा।
pani se jiu ubiyai gava.
sab taal talaiya muchimuchch,
gaDhi gaDva utirai gava.
pani se jiu ubiyai gava.
haptan se daiv kopan ahayan,
chariu mu hahakar ahay.
kul gaanv mohalla sansat ma,
buDat sabkay gharbar ahay.
chandar kaka ke bhitre tak,
ganthi bhai pani bhara ahay.
gyaniv kai kothari girati ahay,
je jitay jiu adhamra ahay.
jehkay kheti hoigay uchhinn,
uu chinta ma paglai gava. 1.
pani se jiu ubiyai gava.
kachchi bakhri, khaprail, chhani
sab bharabhrai chui parati ahayan.
manii goru sab bhen behal,
bokri dabai ke marati ahayan.
jab karakrai ke barsa tau,
narda phansi gava natane kay
chanhata ma telhin chachi kay
giri gava taps ek kane kay.
kathun kehu nahin na salkante,
sabkay chehra murjhai gava. 2.
pani se jiu ubiyai gava.
panin ulchay ma juta ahayan,
gharbhay ab para pari sab.
papuvain chaDhin atari pay,
niche panDit banvari sab.
gati batay booDh puraniyan kay,
ehi buDa ma khob past bhayen.
ka manin goru,pasu pachchhi?
kira bichhi sab trast bhayen.
gauna as tairay pani ma,
jas nau kehu tairai gava. . 3.
pani se jiu ubiyai gava.
ehi ghor musibat ma sabkay,
sab madat karay ma laag ahayan.
kuch jane ghare se bhita pay
khatiya machiya lai bhaag ahayan.
kehu baitha ahay banDeri pay,
kehu jiu lukvaye peDe pay.
chariu mu chhichhaledar ba,
saDki chakrote meDe pay.
oDhna kapDa, kathri gudri,
sab siDa ma lasiyai gava. 4.
pani se jiu ubiyai gava.
ii sai nadi uphnani ahay,
ganvan kay haalat khasta ba.
ganga mai ki kirpa se,
sujhat na ekkav rasta ba.
ghar khet, gaanv, rasta paniDa,
bagiya pani se bhari ahay.
kauni mu gaDayan dui din se,
chandu kay bachhiya mari ahay.
jiu bahutay gaDhe para ahay,
ii kaisa durdin aai gava. 5.
pani se jiu ubiyai gava.
jabse ii chirri girati ahay,
jabse ii bundabandi ba.
netan kay haal batai ka,
kuch kay tau ekdam chandi ba.
helikaptar se uDat jamat,
daura pay daura karat ahayan.
au manii machhi machchhar as,
bin dana pani marat ahayan.
na haya saram, na daya dharam,
inka ii kahan sikhai gava. 6.
pani se jiu ubiyai gava.
lagat ba jaise indrdev,
dharti se bahut kopan ahayan.
sab trahi trahi chillat ahayan,
ye munde duinav kaan ahayan.
bhari jan dhan kay chariu mu
yahi parlay ma naskan ahay.
en sabki madat ma rativ din,
sena sasan halkan ahay.
je pais rahat samagri,
uu nayi zindagi pai gava. 7.
pani se jiu ubiyai gava.
pani se jiu ubiyai gava.
sab taal talaiya muchimuchch,
gaDhi gaDva utirai gava.
pani se jiu ubiyai gava.
haptan se daiv kopan ahayan,
chariu mu hahakar ahay.
kul gaanv mohalla sansat ma,
buDat sabkay gharbar ahay.
chandar kaka ke bhitre tak,
ganthi bhai pani bhara ahay.
gyaniv kai kothari girati ahay,
je jitay jiu adhamra ahay.
jehkay kheti hoigay uchhinn,
uu chinta ma paglai gava. 1.
pani se jiu ubiyai gava.
kachchi bakhri, khaprail, chhani
sab bharabhrai chui parati ahayan.
manii goru sab bhen behal,
bokri dabai ke marati ahayan.
jab karakrai ke barsa tau,
narda phansi gava natane kay
chanhata ma telhin chachi kay
giri gava taps ek kane kay.
kathun kehu nahin na salkante,
sabkay chehra murjhai gava. 2.
pani se jiu ubiyai gava.
panin ulchay ma juta ahayan,
gharbhay ab para pari sab.
papuvain chaDhin atari pay,
niche panDit banvari sab.
gati batay booDh puraniyan kay,
ehi buDa ma khob past bhayen.
ka manin goru,pasu pachchhi?
kira bichhi sab trast bhayen.
gauna as tairay pani ma,
jas nau kehu tairai gava. . 3.
pani se jiu ubiyai gava.
ehi ghor musibat ma sabkay,
sab madat karay ma laag ahayan.
kuch jane ghare se bhita pay
khatiya machiya lai bhaag ahayan.
kehu baitha ahay banDeri pay,
kehu jiu lukvaye peDe pay.
chariu mu chhichhaledar ba,
saDki chakrote meDe pay.
oDhna kapDa, kathri gudri,
sab siDa ma lasiyai gava. 4.
pani se jiu ubiyai gava.
ii sai nadi uphnani ahay,
ganvan kay haalat khasta ba.
ganga mai ki kirpa se,
sujhat na ekkav rasta ba.
ghar khet, gaanv, rasta paniDa,
bagiya pani se bhari ahay.
kauni mu gaDayan dui din se,
chandu kay bachhiya mari ahay.
jiu bahutay gaDhe para ahay,
ii kaisa durdin aai gava. 5.
pani se jiu ubiyai gava.
jabse ii chirri girati ahay,
jabse ii bundabandi ba.
netan kay haal batai ka,
kuch kay tau ekdam chandi ba.
helikaptar se uDat jamat,
daura pay daura karat ahayan.
au manii machhi machchhar as,
bin dana pani marat ahayan.
na haya saram, na daya dharam,
inka ii kahan sikhai gava. 6.
pani se jiu ubiyai gava.
lagat ba jaise indrdev,
dharti se bahut kopan ahayan.
sab trahi trahi chillat ahayan,
ye munde duinav kaan ahayan.
bhari jan dhan kay chariu mu
yahi parlay ma naskan ahay.
en sabki madat ma rativ din,
sena sasan halkan ahay.
je pais rahat samagri,
uu nayi zindagi pai gava. 7.
pani se jiu ubiyai gava.
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
