किये सदिखन
एना बुझाइत रहैत अछि
जे
विद्रोहेटा थिक
दुनियाक यथार्थ
गर्दमिसान भूमिकाक खोजमे
ढहनाइत पात्रक
दृश्य परिवर्तन बादक रिहाइ थिक
की एहि सृष्टिक सृजन
बिना विद्रोहक भेल?
की आदम आ इव
नहि फुकलनि युद्धक धुतही
नवीन रचनाक लेल जरूरी अछि
शापित होयब
जरूरी अछि स्थापितक बलात्कार
करेजक आगि जँ पझायल रहितै
तँ
कोमल हाथकेँ कलमक बदला
बन्नूकक नाल साफ करैत देखि
बापक करेज
कूही नहि भऽ उठितै
जेठक रौदमे टाँट भेल खेत नाहित
छहोछित्त नहि भेल रहितै
बेटीक सीउँथक लाली
देखबाक हेतु लालाइत
पाकल आँखि
ओकर माथपर बान्हल कफन लाल देखि
नहि चुअबितै
नोनछराइन पानि
आगि तँ लहकि उठल अछि
चाही एकटा कसगर फूक
मुट्ठी भरि प्राणक जड़तामे
पिसाइत समाजकेँ हिलेबा लेल
घमंडक निशामे मातल
बुढ़बाक टूटल हड्डीकेँ
जोड़बा लेल
नील-टीनोपालक इजोरमे
उधियाइत संस्कारक लेल
चाहे मोसनाइक आँच
वा हो तलवारक धार
उठय पड़ैत छैक रोकबाक हेतु
हत्या ओ अत्याचार
आ
निस्सन उद्देश्यक लेल
अपरिहार्य भऽ जाइत छैक युद्ध
यैह टा अन्तिम सत्य
आर किछु नहि, आर किछु नहि।
kiye sadikhan
ena bujhait rahait achhi
je
vidroheta thik
duniyak yatharth
gardamisan bhumikak khojme
Dhahnait patrak
drishya parivartan badak rihai thik
ki ehi srishtik srijan
bina vidrohak bhel?
ki aadam aa iv
nahi phukalani yuddhak dhuthi
navin rachnak lel jaruri achhi
shapit hoyab
jaruri achhi sthapitak balatkar
karejak aagi jan pajhayal rahitai
tan
komal hathken kalmak badla
bannukak naal saaph karait dekhi
bapak karej
kuhi nahi bhaऽ uthitai
jethak raudme taant bhel khet nahit
chhahochhitt nahi bhel rahitai
betik siunthak lali
dekhbak hetu lalait
pakal ankhi
okar mathpar banhal kaphan laal dekhi
nahi chuabitai
nonachhrain pani
aagi tan lahaki uthal achhi
chahi ekta kasgar phook
mutthi bhari pranak jaDtame
pisait samajken hileba lel
ghamanDak nishame matal
buDhbak tutal haDDiken
joDba lel
neel tinopalak ijorme
udhiyait sanskarak lel
chahe mosnaik anch
va ho talvarak dhaar
uthay paDait chhaik rokbak hetu
hatya o atyachar
aa
nissan uddeshyak lel
apriharya bhaऽ jait chhaik yuddh
yaih ta antim satya
aar kichhu nahi, aar kichhu nahi.
kiye sadikhan
ena bujhait rahait achhi
je
vidroheta thik
duniyak yatharth
gardamisan bhumikak khojme
Dhahnait patrak
drishya parivartan badak rihai thik
ki ehi srishtik srijan
bina vidrohak bhel?
ki aadam aa iv
nahi phukalani yuddhak dhuthi
navin rachnak lel jaruri achhi
shapit hoyab
jaruri achhi sthapitak balatkar
karejak aagi jan pajhayal rahitai
tan
komal hathken kalmak badla
bannukak naal saaph karait dekhi
bapak karej
kuhi nahi bhaऽ uthitai
jethak raudme taant bhel khet nahit
chhahochhitt nahi bhel rahitai
betik siunthak lali
dekhbak hetu lalait
pakal ankhi
okar mathpar banhal kaphan laal dekhi
nahi chuabitai
nonachhrain pani
aagi tan lahaki uthal achhi
chahi ekta kasgar phook
mutthi bhari pranak jaDtame
pisait samajken hileba lel
ghamanDak nishame matal
buDhbak tutal haDDiken
joDba lel
neel tinopalak ijorme
udhiyait sanskarak lel
chahe mosnaik anch
va ho talvarak dhaar
uthay paDait chhaik rokbak hetu
hatya o atyachar
aa
nissan uddeshyak lel
apriharya bhaऽ jait chhaik yuddh
yaih ta antim satya
aar kichhu nahi, aar kichhu nahi.
स्रोत :
पुस्तक : एखन धरि (पृष्ठ 43)रचनाकार : अंशुमान सत्यकेतु
प्रकाशन : नवारम्भ
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
