कछु नाहीं बोलउ नहि सब का कहिहैं
अपनउ अइसइ दिन सब दिन नाई रहिहैं
ठिठुरनि भरी चलइ पुरवइया झमझम बरसइ पानी
लरिका आँचर माँ लुकुवावइ चुवै जो टूटी छानी
यइ भीगी सब कथरी कमरी का हुइहैं
कछु नाहीं बोलउ नहि सब का कहिहैं
अपनउ अइसइ दिन सब दिन नाई रहिहैं
दाना बचा अन्न का नाहीं का बनि हैं अब रोये
तीन दिना ते सब जन भूखे भइयउ भूखे सोये
जोर बोलउ नाहीं जगिहैं तौ फिरि रोइहैं
कछु नाहीं बोलउ नहि सब का कहि हैं
अपनउ अइसइ दिन सब दिन नाई रहिहैं
अइसे महियाँ मरनुइ है जो आवइ पहुना पाई
भइया द्वीज काल्हि है बोलउ का करिबो का नाई
का बिछइबो का खवइबो जो तौ भैया अइहैं
कछु नाहीं बोलउ नहि सब का कहिहैं
अपनउ अइसइ दिन सब दिन नाई रहिहैं
विधना अइसि गरीबी दीन्हेंउ तउ कुछु राह बताएउ
जइसे-तइसे हम भरि डरिबै औरेक नाहि सताएउ
नहि तौ कुछु बिन मौंतइ मरि जइहै
कछु नाही बोलउ नहि सब का कहिहैं
अपनउ अइसइ दिन सब दिन नाई रहि हैं।
kachhu nahin bolau nahi sab ka kahihain
apanau aisai din sab din nai rahihain
thithurani bhari chalai puraviya jhamjham barasai pani
larika anchar maan lukuvavai chuvai jo tuti chhani
yai bhigi sab kathri kamari ka huihain
kachhu nahin bolau nahi sab ka kahihain
apanau aisai din sab din nai rahihain
dana bacha ann ka nahin ka bani hain ab roye
teen dina te sab jan bhukhe bhaiyau bhukhe soye
jor bolau nahin jagihain tau phiri roihain
kachhu nahin bolau nahi sab ka kahi hain
apanau aisai din sab din nai rahihain
aise mahiyan maranui hai jo avai pahuna pai
bhaiya dveej kalhi hai bolau ka karibo ka nai
ka bichhaibo ka khavaibo jo tau bhaiya aihain
kachhu nahin bolau nahi sab ka kahihain
apanau aisai din sab din nai rahihain
vidhna aisi garibi dinhenu tau kuchhu raah batayeu
jaise taise hum bhari Daribai aurek nahi satayeu
nahi tau kuchhu bin mauntai mari jaihai
kachhu nahi bolau nahi sab ka kahihain
apanau aisai din sab din nai rahi hain.
kachhu nahin bolau nahi sab ka kahihain
apanau aisai din sab din nai rahihain
thithurani bhari chalai puraviya jhamjham barasai pani
larika anchar maan lukuvavai chuvai jo tuti chhani
yai bhigi sab kathri kamari ka huihain
kachhu nahin bolau nahi sab ka kahihain
apanau aisai din sab din nai rahihain
dana bacha ann ka nahin ka bani hain ab roye
teen dina te sab jan bhukhe bhaiyau bhukhe soye
jor bolau nahin jagihain tau phiri roihain
kachhu nahin bolau nahi sab ka kahi hain
apanau aisai din sab din nai rahihain
aise mahiyan maranui hai jo avai pahuna pai
bhaiya dveej kalhi hai bolau ka karibo ka nai
ka bichhaibo ka khavaibo jo tau bhaiya aihain
kachhu nahin bolau nahi sab ka kahihain
apanau aisai din sab din nai rahihain
vidhna aisi garibi dinhenu tau kuchhu raah batayeu
jaise taise hum bhari Daribai aurek nahi satayeu
nahi tau kuchhu bin mauntai mari jaihai
kachhu nahi bolau nahi sab ka kahihain
apanau aisai din sab din nai rahi hain.
स्रोत :
पुस्तक : सिरका (अवधी गीत संग्रह) (पृष्ठ 3)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
