किसनवा फूलइँ औ इठलाइ,
सिसिर गा बीति, चैतुगा आइ।
फरा अस बेझरा बेतु अघाइ
सुवौना बाली लै लै जाइ,
लदे अर्रही पर घौदा अइस,
होइ हाथी पर हौदा जइस,
चना मा बूटइ-बूट देखाइ,
सिसिर गा बीति चैतुगा आइ॥1॥
जँवन की बाली ओरवति जाइ,
भरा सरसौं माँ तेलुइ-तेलु,
चलइ कुछु अइस बसंती बायु,
भरइ कन-कन मा अतरु-फुलेलु,
खेतु गोहुँअन का कस लहराइ,
सिसिर गा बीति चैतुगा आइ॥2॥
नसा कुछु अइस कोइलिया किहे,
अकारन घूमि-घूमि कुकुवाइ,
भाँग असि पिहे पपिहरा फिरइ,
गये बगियन के दल बौराइ,
धरतिया चुनरी मा मुसुकाइ,
सिसिर गा बीति चैतुगा आइ॥3॥
भौंरऊ कमलन पर मँडरायँ,
चिरैया खेतन मा इतरायँ,
ताल पर चरि-चरि ताजी घास,
सँड़उनू डहकैं औ भन्नायँ,
खेत सब पकि-पकि गे पियराइ,
सिसिर गा बीति चैतुगा आइ॥4॥
kisanva phulain au ithlai,
sisir ga biti, chaituga aai.
phara as bejhara betu aghai
suvauna bali lai lai jai,
lade arrhi par ghauda ais,
hoi hathi par hauda jais,
chana ma butai boot dekhai,
sisir ga biti chaituga ai॥1॥
janvan ki bali oravati jai,
bhara sarsaun maan telui telu,
chalai kuchhu ais basanti bayu,
bharai kan kan ma ataru phulelu,
khetu gohunan ka kas lahrai,
sisir ga biti chaituga ai॥2॥
nasa kuchhu ais koiliya kihe,
akaran ghumi ghumi kukuvai,
bhaang asi pihe papihra phirai,
gaye bagiyan ke dal baurai,
dharatiya chunari ma musukai,
sisir ga biti chaituga ai॥3॥
bhaunruu kamlan par manDarayan,
chiraiya khetan ma itarayan,
taal par chari chari taji ghaas,
sanDunu Dahakain au bhannayan,
khet sab paki paki ge piyrai,
sisir ga biti chaituga ai॥4॥
kisanva phulain au ithlai,
sisir ga biti, chaituga aai.
phara as bejhara betu aghai
suvauna bali lai lai jai,
lade arrhi par ghauda ais,
hoi hathi par hauda jais,
chana ma butai boot dekhai,
sisir ga biti chaituga ai॥1॥
janvan ki bali oravati jai,
bhara sarsaun maan telui telu,
chalai kuchhu ais basanti bayu,
bharai kan kan ma ataru phulelu,
khetu gohunan ka kas lahrai,
sisir ga biti chaituga ai॥2॥
nasa kuchhu ais koiliya kihe,
akaran ghumi ghumi kukuvai,
bhaang asi pihe papihra phirai,
gaye bagiyan ke dal baurai,
dharatiya chunari ma musukai,
sisir ga biti chaituga ai॥3॥
bhaunruu kamlan par manDarayan,
chiraiya khetan ma itarayan,
taal par chari chari taji ghaas,
sanDunu Dahakain au bhannayan,
khet sab paki paki ge piyrai,
sisir ga biti chaituga ai॥4॥
स्रोत :
पुस्तक : घास के घरउँदे (पृष्ठ 26)रचनाकार : श्यामसुंदर मिश्र ‘मधुप’
प्रकाशन : आत्माराम एण्ड संस, कश्मीरी गेट, दिल्ली
संस्करण : 1991
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
