उमिर के लास कान्ही
umir ke laas kanhi
उमिर के लास कान्ही पर उठवले ढो रहल बानी
समय के दाग छाती पर जे लागल धो रहल बानी
करम कइलीं जे जिनगी भर समय टाँकत रहल सबके
ओही इतिहास के बाँचत बेआकुल हो रहल बानी
जवानी भर लुटवलीं हम, रहे जे पास में हमरा
ना अब कुछ पा रहल बानी, ना अब कुछ खो रहल बानी
रहे उमड़ल नदी में जब लहर हमरा मतइला के
ओही क्षण के ललक के हम त अब संजो रहल बानी
जनम भर करम के धरती बनवली हँऽ जे हम सुंदर
ओही में नाँव के बिरवा सम्हर के बो रहल बानी
स्रोत :
- पुस्तक : सुर न सधे (पृष्ठ 22)
- रचनाकार : नागेन्द्र प्रसाद सिंह
- प्रकाशन : लोग प्रकाशन, पटना
- संस्करण : 2000
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
