नहि रूप-रंग-स्वाद आ ने गंध लिखै छी
nahi roop rang svaad aa ne gandh likhai chhi
आनन्द मोहन झा
Anand Mohan Jha
नहि रूप-रंग-स्वाद आ ने गंध लिखै छी
nahi roop rang svaad aa ne gandh likhai chhi
Anand Mohan Jha
आनन्द मोहन झा
और अधिकआनन्द मोहन झा
नहि रूप-रंग-स्वाद आ ने गंध लिखै छी
रोटीक संग भूखक अनुबंध लिखै छी।
जबकल रहै करेजमे कष्टक जुआरि जे
से तोड़ि बहल नोरक तटबंध लिखै छी।
बेटाक बाद पोता गद्दी कोना गहत
तै लेल भेल कोन-की प्रबंध लिखै छी।
देखल लगीचसँ जखन समाजकेँ चलनि
महकैत विषानि सोचक दुर्गन्ध लिखै छी।
विद्वान जे छलाह से पैकार भ' गेला
साहित्यसँ बजारक जुड़िबंध लिखै छी।
अंतर होयबाक चाही किछु गद्य-पद्यमे
कविताक नाम पर किए निबंध लिखै छी।
स्रोत :
- पुस्तक : तेँ ओ बजलैए (पृष्ठ 34)
- रचनाकार : आनन्द मोहन झा
- प्रकाशन : नवारम्भ, मधुबनी/पटना
- संस्करण : 2023
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
