उनुका से कहि दऽ! (चइत राग)
unuka se kahi daऽ! (chait raag)
रसे-रसे महुवा फुलाइल हो रामा
उनुका से कहि दऽ।
रस देखि भँवरा लोभाइल हो रामा
उनुका से कहि दऽ।
पुलुई चढ़ल फिरु
उतरल फगुनवा
कुहुँकि कुहुँकि ररे
बेकल मनवाँ
सपनो में चएन न आइल हो रामा
उनुका से कहि दऽ!
टहटह खिलल आ
झरल अँजोरिया
झुरुकलि कइ राति
पुरुबी-बयरिया
अँखिया अउर सपनाइल हो रामा
उनुका से कहि दऽ!
चइते लेसाइल
बिरह-अगिनिया
सेजिया प लोटेले
सुधि के नगिनिया
रतिया लगेले बिखियाइल हो रामा
उनुका से कहि दऽ!
स्रोत :
- पुस्तक : फूटल किरिन हजार (पृष्ठ 35)
- रचनाकार : अशोक द्विवेदी
- प्रकाशन : पाती प्रकाशन, बलिया
- संस्करण : 2003
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
