दिन दूर जात बा
पीठे प रात बा
परछाइयों अपन
रे आह-पाँत बा
पूरब के भइल खून
अबो सूख ना पावल
कि लऽ! लहू-लुहान
पछिम होत जात बा
ई हादसा के सूत बा कातत कवन कबीर?
जिनगी से असमसान ले तानी तनात बा!
सीता के जरल आग
ना ठंढा भइल कबो
अब तेल से ऊ लाफ
अउर लहलहात बा
रावण के बात छोड़ीं
समुन्दर के पार बा
शंबुक के गला राम के
हाथन कटात बा
पंडुक के बेंधल देख के जे फूट के बहल
अब डबडबा के आँख ओकर सूख जात बा!
आदम से आज ले
जे पयम्बर देले सबक
दाता इयाद बा आ
दान भूल जात बा
मजहब के आँख आदमी में
का लगल कि अब
अपना जगह प लोग के
अनका जनात बा
कमजोर जन के तोख ला ईश्वर गढ़ल गइल
बा साफ कि बरियार से उ मात खात बा!
फेंकऽ लिखल हिसाब
अब मुंशी के बही के
रहलो प थाह लइका
जहाँ डूब जात बा
पंडित के सिखावल सुआ
कबले करम पढ़ी?
अपना प भरोसा करऽ
ई खास बात बा!
'अन्हरा घरे के भूत से डरबऽ कहाँ-कहाँ?
मन के भरम ह साँप रसी लउक जात बा!
din door jaat ba
pithe pa raat ba
parchhaiyon apan
re aah paant ba
purab ke bhail khoon
abo sookh na paval
ki laऽ! lahu luhan
pachhim hot jaat ba
ii hadasa ke soot ba katat kavan kabir?
jingi se asamsan le tani tanat baa!
sita ke jaral aag
na thanDha bhail kabo
ab tel se uu laaph
aur lahalhat ba
ravan ke baat chhoDin
samundar ke paar ba
shambuk ke gala raam ke
hathan katat ba
panDuk ke bendhal dekh ke je phoot ke bahal
ab DabDaba ke ankh okar sookh jaat baa!
aadam se aaj le
je payambar dele sabak
data iyaad ba aa
daan bhool jaat ba
majhab ke ankh adami men
ka lagal ki ab
apna jagah pa log ke
anka janat ba
kamjor jan ke tokh la iishvar gaDhal gail
ba saaph ki bariyar se u maat khaat baa!
phenkऽ likhal hisab
ab munshi ke bahi ke
rahlo pa thaah laika
jahan Doob jaat ba
panDit ke sikhaval sua
kable karam paDhi?
apna pa bharosa karऽ
ii khaas baat baa!
anhara ghare ke bhoot se Darabऽ kahan kahan?
man ke bharam ha saanp rasi lauk jaat baa!
din door jaat ba
pithe pa raat ba
parchhaiyon apan
re aah paant ba
purab ke bhail khoon
abo sookh na paval
ki laऽ! lahu luhan
pachhim hot jaat ba
ii hadasa ke soot ba katat kavan kabir?
jingi se asamsan le tani tanat baa!
sita ke jaral aag
na thanDha bhail kabo
ab tel se uu laaph
aur lahalhat ba
ravan ke baat chhoDin
samundar ke paar ba
shambuk ke gala raam ke
hathan katat ba
panDuk ke bendhal dekh ke je phoot ke bahal
ab DabDaba ke ankh okar sookh jaat baa!
aadam se aaj le
je payambar dele sabak
data iyaad ba aa
daan bhool jaat ba
majhab ke ankh adami men
ka lagal ki ab
apna jagah pa log ke
anka janat ba
kamjor jan ke tokh la iishvar gaDhal gail
ba saaph ki bariyar se u maat khaat baa!
phenkऽ likhal hisab
ab munshi ke bahi ke
rahlo pa thaah laika
jahan Doob jaat ba
panDit ke sikhaval sua
kable karam paDhi?
apna pa bharosa karऽ
ii khaas baat baa!
anhara ghare ke bhoot se Darabऽ kahan kahan?
man ke bharam ha saanp rasi lauk jaat baa!
स्रोत :
पुस्तक : अनसोहातो (कविता-संग्रह) (पृष्ठ 36)रचनाकार : तैयब हुसैन पीड़ित
प्रकाशन : शब्द संसार, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
