हम कृषक गबै छी गीत खेत-खरिहानक हौ,
अछि अपना श्रमक भरोस आश भगवानक हौ।
हम मानि रहल छी अपनाकेँ कर्मक अधिकारीटा,
कर्मक अधिकारीटा।
हम जानि रहल छी दुनिञाकेँ बस फड़ मँहकारीटा,
बस फड़ मँहकारीटा।
हम श्रमिक न राखी लोभ कतहु सम्मानक हौ,
हम कृषक गबै छी गीत खेत-खरिहानक हौ।
लहलहा उठय ई बाध-वोन बस हमर पसेनासँ,
बस हमर पसेनासँ।
थरथरा उठय ई घोर दरिद्रा कृषकक सेनासँ,
बस कृषकक सेनासँ।
हमहीँ सेनानी हरित-क्रान्ति अभियानक हौ,
हम कृषक गबै छी गीत खेत-खरिहानक हौ।
धरतीक भूख नहि मेटा सकत चन्दापर गेलासँ,
चन्दापर गेलासँ।
अन्तरक मैल नहि धोआ सकत समता कहि देलासँ,
समता कहि देलासँ।
मिलि करह जोगाड़ सभक हित पान-मखानक हौ,
हम कृषक गबै छी गीत खेत-खरिहानक हौ।
हमरा न प्रयोजन लोकमतक, हम अपनहिँ मतदाता,
हम अपनहिँ मतदाता।
नव बाट देखाबथु हमरा केवल कृषि अनुसन्धाता,
बस कृषि अनुसन्धाता।
हम उठा कोदारि करब पुनि युद्ध भयानक हौ,
हम कृषक गबै छी गीत खेत-खरिहानक हौ।
राखी न लालसा अमरताक, हम मर्त्तयक वासी छी,
हम मर्त्तयक वासी छी।
गृहमे रहितहु जँ पूछी तँ असली संन्यासी छी,
असली संन्यासी छी।
अछि छूति मात्र नहि हमरामे अभिमानक हौ,
हम कृषक गबै छी गीत खेत-खरिहानक हौ।
hum krishak gabai chhi geet khet kharihanak hau,
achhi apna shrmak bharos aash bhagvanak hau.
hum mani rahal chhi apnaken karmak adhikarita,
karmak adhikarita.
hum jani rahal chhi duninaken bas phaD manhkarita,
bas phaD manhkarita.
hum shramik na rakhi lobh katahu sammanak hau,
hum krishak gabai chhi geet khet kharihanak hau.
lahlaha uthay ii baadh von bas hamar pasenasan,
bas hamar pasenasan.
tharthara uthay ii ghor daridra krishkak senasan,
bas krishkak senasan.
hamhin senani harit kranti abhiyanak hau,
hum krishak gabai chhi geet khet kharihanak hau.
dhartik bhookh nahi meta sakat chandapar gelasan,
chandapar gelasan.
antrak mail nahi dhoa sakat samta kahi delasan,
samta kahi delasan.
mili karah jogaD sabhak hit paan makhanak hau,
hum krishak gabai chhi geet khet kharihanak hau.
hamra na prayojan lokamtak, hum apanahin matdata,
hum apanahin matdata.
nav baat dekhabathu hamra keval krishi anusandhata,
bas krishi anusandhata.
hum utha kodari karab puni yuddh bhayanak hau,
hum krishak gabai chhi geet khet kharihanak hau.
rakhi na lalsa amartak, hum marttyak vasi chhi,
hum marttyak vasi chhi.
grihme rahitahu jan puchhi tan asli sannyasi chhi,
asli sannyasi chhi.
achhi chhuti maatr nahi hamrame abhimanak hau,
hum krishak gabai chhi geet khet kharihanak hau.
hum krishak gabai chhi geet khet kharihanak hau,
achhi apna shrmak bharos aash bhagvanak hau.
hum mani rahal chhi apnaken karmak adhikarita,
karmak adhikarita.
hum jani rahal chhi duninaken bas phaD manhkarita,
bas phaD manhkarita.
hum shramik na rakhi lobh katahu sammanak hau,
hum krishak gabai chhi geet khet kharihanak hau.
lahlaha uthay ii baadh von bas hamar pasenasan,
bas hamar pasenasan.
tharthara uthay ii ghor daridra krishkak senasan,
bas krishkak senasan.
hamhin senani harit kranti abhiyanak hau,
hum krishak gabai chhi geet khet kharihanak hau.
dhartik bhookh nahi meta sakat chandapar gelasan,
chandapar gelasan.
antrak mail nahi dhoa sakat samta kahi delasan,
samta kahi delasan.
mili karah jogaD sabhak hit paan makhanak hau,
hum krishak gabai chhi geet khet kharihanak hau.
hamra na prayojan lokamtak, hum apanahin matdata,
hum apanahin matdata.
nav baat dekhabathu hamra keval krishi anusandhata,
bas krishi anusandhata.
hum utha kodari karab puni yuddh bhayanak hau,
hum krishak gabai chhi geet khet kharihanak hau.
rakhi na lalsa amartak, hum marttyak vasi chhi,
hum marttyak vasi chhi.
grihme rahitahu jan puchhi tan asli sannyasi chhi,
asli sannyasi chhi.
achhi chhuti maatr nahi hamrame abhimanak hau,
hum krishak gabai chhi geet khet kharihanak hau.
स्रोत :
पुस्तक : चन्द्रनाथमिश्र ‘अमर’ रचना संचयन (पृष्ठ 302)संपादक : योगानन्द झा, शम्भुनाथ झा, विजयदेव झा रचनाकार : चन्द्रनाथ मिश्र ‘अमर’
प्रकाशन : साहित्य अकादेमी, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
