हम ना जानीं कइसन बिहान गुरुजी,
कब फूटल किरिनिया
बाबू जाले हर जोते माई घसवाही
घर में केंवारी ना दुआरी पर हम रहीं
झबड़ा कुतवा जे नासेला पिसान गुरुजी॥ कब...
सतुआ लेआवस बाबू कके मजूरी
हमरो ओमे बखरा मिले रोज एगो पीरी
अलोता में खा जाला लोग सान गुरुजी॥ कब...
खरची जोगार होला क के बनिहारी
अँइठा-घोंघा मार हम जोगारी तरकारी
मछरी मारे जानी लवना हम आन गुरुजी॥ कब...
मनुनी बकरिया ह मलकिनी के बटाई
पाएंट बा इनाम एसे चाव से चराईं
ई गरगोहलो पर करेले हरान गुरुजी॥ कब...
कटनी करे जाले माई चेवँरा का कान्ही
भूखे रोए बबुआ त पिआवे लेके जानी
ई छरिआके अनसा देला कान गुरुजी॥ कब...
कटनी का दिनवा में खेते बाल बीनी
डर लागे का जाने के कब कहवाँ छीनी
तोपी छँइटी में पतई से परान गुरुजी॥ कब...
शिक्षा औपचारिक व्यस्को सरकारी
तीनो जगे नांव हमार कहेले सुखारी
हम अंजोरियों में ना देखनी चान गुरुजी॥
कब फूटल किरिनिया॥
hum na janin kaisan bihan guruji,
kab phutal kiriniya
babu jale har jote mai ghasvahi
ghar mein kenvari na duari par hum rahin
jhabDa kutva je nasela pisan guruji॥ kab. . .
satua leavas babu kake majuri
hamro ome bakhra mile roj ego piri
alota mein kha jala log saan guruji॥ kab. . .
kharchi jogar hola ka ke banihari
anitha ghongha maar hum jogari tarkari
machhri mare jani lavna hum aan guruji॥ kab. . .
manuni bakariya ha malakini ke batai
payent ba inaam ese chaav se charain
ii gargohlo par karele haran guruji॥ kab. . .
katni kare jale mai chevnra ka kanhi
bhukhe roe babua ta piave leke jani
ii chhariake ansa dela kaan guruji॥ kab. . .
katni ka dinva mein khete baal bini
Dar lage ka jane ke kab kahvan chhini
topi chhaniti mein patii se paran guruji॥ kab. . .
shiksha aupacharik vyasko sarkari
tino jage naanv hamar kahele sukhari
hum anjoriyon mein na dekhni chaan guruji॥
kab phutal kiriniya॥
hum na janin kaisan bihan guruji,
kab phutal kiriniya
babu jale har jote mai ghasvahi
ghar mein kenvari na duari par hum rahin
jhabDa kutva je nasela pisan guruji॥ kab. . .
satua leavas babu kake majuri
hamro ome bakhra mile roj ego piri
alota mein kha jala log saan guruji॥ kab. . .
kharchi jogar hola ka ke banihari
anitha ghongha maar hum jogari tarkari
machhri mare jani lavna hum aan guruji॥ kab. . .
manuni bakariya ha malakini ke batai
payent ba inaam ese chaav se charain
ii gargohlo par karele haran guruji॥ kab. . .
katni kare jale mai chevnra ka kanhi
bhukhe roe babua ta piave leke jani
ii chhariake ansa dela kaan guruji॥ kab. . .
katni ka dinva mein khete baal bini
Dar lage ka jane ke kab kahvan chhini
topi chhaniti mein patii se paran guruji॥ kab. . .
shiksha aupacharik vyasko sarkari
tino jage naanv hamar kahele sukhari
hum anjoriyon mein na dekhni chaan guruji॥
kab phutal kiriniya॥
स्रोत :
पुस्तक : भिनुसार हो गइल (पृष्ठ 20)रचनाकार : मूंगालाल शास्त्री
प्रकाशन : भोजपुरी भारती, सारण
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
