श्री राधा आराध्य सुगम गति आराधन की।
जो अति अगम अपार न है मति जहँनिगमन की।
ज्ञान मान की खान ध्यान धारा भगतन की।
प्रिय ‘प्रीतम’ की प्रान प्रमान पतित पावन की॥
बाधा मेरी हरें चरन श्री राधा जी के।
आराधन कर रहों सतत सुख साधन नीके।
मन क्रम बच ते सेव्य रहे जे रिसि मुनि ही के।
जिन पग नख दुति निरख लगत उडुगन बिधु फीके॥
श्री राधा सर्वेश्वरी, राधा सरबस ग्यान।
रसिकन निधि राधा हिये, राधा रसिकन प्रान॥
राधा रसिकन प्रान, नित्य गति आराधन की।
हरन सदा त्रय ताप, सकल रूजि भव बाधन की।
साधन सुलभ सुगम्य रम्य रस रूप अगाधा।
‘प्रीतम’ पीवत रहत सतत भज जै श्री राधा॥
राधा बैन रसाल, नवल राधा पिक-बैनी।
राधा मोहिनि नवल, राधिका सहचरि श्रेनी।
राधा सहचरि रंग बिहारिनि राधा-राधा।
राधा ‘प्रीतम’ प्रान पियारी जै श्री राधा॥
हीरा हेम पत्र में जड़े हैं कमनीय किधौं
कैधौं चित्र चिंहित हैं बिद्युत बौरानी के।
कैधौं साँत सीलता के सुंदर प्रतीक पुँज
दिपै रहे दिव्य रूप सुख की निसानी के।
‘प्रीतम’ प्रवीन भक्त हीय की सरसता के
सहज समानी ग्यानी बपु बरदानी के।
बिचल पारी कै बिभा बिधु की बिलास हेतु
सो ही पग-नख बंदों राधा महारानी के॥
अँखियाँ चकोरन कौं सु साँत्वना देन हेतु
बिरमे हैं चंद मनों नेह की निसानी के।
कैधों जपी तपीन के तप के सु तेज पुंज
पगन समाने आन ब्रह्म रजधानी के।
‘प्रीतम’ सु कवि भक्त भाव के विराम थल
कै सोभा के सिन्धु अवगाहन हैं प्रानी के।
तरनी के रूप, भव तारन तरन जो हैं
सो ही पग-नखबंदों राधा ब्रजरानी के॥
जप तप तीर्थ ब्रत नेम धर्म-कर्म पुन्य
तीन लोक दान हूँ की पूरन प्रसाधिका।
रिसि मुनि सिद्ध सुर साधन प्रवाहिका औ
रास रस वर्द्धनी रसेश्वरी उपाधिका।
‘प्रीतम’ सु कवि आधि-ब्याधि की बिनासिका ह्वै
ब्रज बन बीच बनि नित्य निरबाधिका।
अगम निगम जग सुगम अराधिता-सी
प्रगटी हीं ब्रज ब्रजराज प्रिया राधिका॥
shri radha aradhya sugam gati aradhan ki.
jo ati agam apar na hai mati jahannigaman ki.
gyaan maan ki khaan dhyaan dhara bhagtan ki.
priy ‘pritam’ ki praan prmaan patit pavan kee॥
badha meri haren charan shri radha ji ke.
aradhan kar rahon satat sukh sadhan nike.
man kram bach te sevya rahe je risi muni hi ke.
jin pag nakh duti nirakh lagat uDugan bidhu phike॥
shri radha sarveshvri, radha sarbas gyaan.
rasikan nidhi radha hiye, radha rasikan praan॥
radha rasikan praan, nitya gati aradhan ki.
haran sada tray taap, sakal ruji bhav badhan ki.
sadhan sulabh sugamya ramya ras roop agadha.
‘pritam’ pivat raht satat bhaj jai shri radha॥
radha bain rasal, naval radha pik baini.
radha mohini naval, radhika sahachari shreni.
radha sahachari rang biharini radha radha.
radha ‘pritam’ praan piyari jai shri radha॥
hira hem patr mein jaDe hain kamniy kidhaun
kaidhaun chitr chinhit hain bidyut baurani ke.
kaidhaun saant silta ke sundar pratik punj
dipai rahe divya roop sukh ki nisani ke.
‘pritam’ prveen bhakt heey ki sarasta ke
sahj samani gyani bapu bardani ke.
bichal pari kai bibha bidhu ki bilas hetu
so hi pag nakh bandon radha maharani ke॥
ankhiyan chakoran kaun su santvana den hetu
birme hain chand manon neh ki nisani ke.
kaidhon japi tapin ke tap ke su tej punj
pagan samane aan brahm rajdhani ke.
‘pritam’ su kavi bhakt bhaav ke viram thal
kai sobha ke sindhu avgahan hain prani ke.
tarani ke roop, bhav taran taran jo hain
so hi pag nakhbandon radha brajrani ke॥
jap tap teerth brat nem dharm karm punya
teen lok daan hoon ki puran prsadhika.
risi muni siddh sur sadhan pravahika au
raas ras varddhani raseshvri upadhika.
‘pritam’ su kavi aadhi byadhi ki binasika hvai
braj ban beech bani nitya nirbadhika.
agam nigam jag sugam aradhita si
pragti heen braj brajraj priya radhika॥
shri radha aradhya sugam gati aradhan ki.
jo ati agam apar na hai mati jahannigaman ki.
gyaan maan ki khaan dhyaan dhara bhagtan ki.
priy ‘pritam’ ki praan prmaan patit pavan kee॥
badha meri haren charan shri radha ji ke.
aradhan kar rahon satat sukh sadhan nike.
man kram bach te sevya rahe je risi muni hi ke.
jin pag nakh duti nirakh lagat uDugan bidhu phike॥
shri radha sarveshvri, radha sarbas gyaan.
rasikan nidhi radha hiye, radha rasikan praan॥
radha rasikan praan, nitya gati aradhan ki.
haran sada tray taap, sakal ruji bhav badhan ki.
sadhan sulabh sugamya ramya ras roop agadha.
‘pritam’ pivat raht satat bhaj jai shri radha॥
radha bain rasal, naval radha pik baini.
radha mohini naval, radhika sahachari shreni.
radha sahachari rang biharini radha radha.
radha ‘pritam’ praan piyari jai shri radha॥
hira hem patr mein jaDe hain kamniy kidhaun
kaidhaun chitr chinhit hain bidyut baurani ke.
kaidhaun saant silta ke sundar pratik punj
dipai rahe divya roop sukh ki nisani ke.
‘pritam’ prveen bhakt heey ki sarasta ke
sahj samani gyani bapu bardani ke.
bichal pari kai bibha bidhu ki bilas hetu
so hi pag nakh bandon radha maharani ke॥
ankhiyan chakoran kaun su santvana den hetu
birme hain chand manon neh ki nisani ke.
kaidhon japi tapin ke tap ke su tej punj
pagan samane aan brahm rajdhani ke.
‘pritam’ su kavi bhakt bhaav ke viram thal
kai sobha ke sindhu avgahan hain prani ke.
tarani ke roop, bhav taran taran jo hain
so hi pag nakhbandon radha brajrani ke॥
jap tap teerth brat nem dharm karm punya
teen lok daan hoon ki puran prsadhika.
risi muni siddh sur sadhan pravahika au
raas ras varddhani raseshvri upadhika.
‘pritam’ su kavi aadhi byadhi ki binasika hvai
braj ban beech bani nitya nirbadhika.
agam nigam jag sugam aradhita si
pragti heen braj brajraj priya radhika॥
स्रोत :
- रचनाकार : यमुना प्रसाद चतुर्वेदी
-
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
