अहाँक ओ स्वेटर
जे बुनला उत्तर
स्वयं पहिर क' भजारने रही अहाँ
हल्लुक गुलाबी रंगक
से मोन अछि अहाँकेँ?
हम एखन धरि रखने छी जुगुता क'
जहिया कहियो पहिरैत छी
होइत अछि जे
पँजियौने छी अहाँ भरि पाँज।
आ फेर जखन-तखन हँसोतथि रहैत छी अपन देह,
निघारैत रहै छी अएना,
बतिआइत रहैत छी किछुसँ किछु,
आँखि नहि बुझि पबैत अछि से
सहजे बुझि जाइत अछि हृदय!
एहि स्वेटरकेँ भेटल छैक अहाँक औँरीक सिनेह
अहाँक दीर्घ सान्निध्य,
अहाँक देहक गमकैत सुगन्धि
जाहिसँ महमह करैत रहैत छी हम।
ओ सिनेह
जे आइयो हमरा मोन पाड़ैत अछि
अहाँक लगीच होएबाक,
ओ सान्निध्य,
जाहिमे ऊब-डुब होइछ कोनो समय
जाहिसँ गमकैत अछि
आइयो हमर साँस।
स्वेटर नहि
अहाँक प्रेम अँटल अछि
हमर कायामे।
ahank o svetar
je bunla uttar
svayan pahir ka bhajarne rahi ahan
halluk gulabi rangak
se mon achhi ahanken?
hum ekhan dhari rakhne chhi juguta ka
jahiya kahiyo pahirait chhi
hoit achhi je
panjiyaune chhi ahan bhari paanj.
aa pher jakhan takhan hansotathi rahait chhi apan deh,
nigharait rahai chhi aena,
batiait rahait chhi kichhusan kichhu,
ankhi nahi bujhi pabait achhi se
sahje bujhi jait achhi hriday!
ehi svetarken bhetal chhaik ahank aunrik sineh
ahank deergh sannidhya,
ahank dehak gamkait sugandhi
jahisan mahmah karait rahait chhi hum.
o sineh
je aiyo hamra mon paDait achhi
ahank lagich hoebak,
o sannidhya,
jahime uub Dub hoichh kono samay
jahisan gamkait achhi
aiyo hamar saans.
svetar nahi
ahank prem antal achhi
hamar kayame.
ahank o svetar
je bunla uttar
svayan pahir ka bhajarne rahi ahan
halluk gulabi rangak
se mon achhi ahanken?
hum ekhan dhari rakhne chhi juguta ka
jahiya kahiyo pahirait chhi
hoit achhi je
panjiyaune chhi ahan bhari paanj.
aa pher jakhan takhan hansotathi rahait chhi apan deh,
nigharait rahai chhi aena,
batiait rahait chhi kichhusan kichhu,
ankhi nahi bujhi pabait achhi se
sahje bujhi jait achhi hriday!
ehi svetarken bhetal chhaik ahank aunrik sineh
ahank deergh sannidhya,
ahank dehak gamkait sugandhi
jahisan mahmah karait rahait chhi hum.
o sineh
je aiyo hamra mon paDait achhi
ahank lagich hoebak,
o sannidhya,
jahime uub Dub hoichh kono samay
jahisan gamkait achhi
aiyo hamar saans.
svetar nahi
ahank prem antal achhi
hamar kayame.
स्रोत :
पुस्तक : आब कतेक चुप रहू (मैथिली कविता-संग्रह) (पृष्ठ 39)रचनाकार : दीप नारायण
प्रकाशन : राजकमल प्रकाशन, नई दिल्ली
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
