करत कतेक संघर्ष
किताब आ रोटीक बीच स्त्री
देख रहल छी नेनहि सँ
रोटी बना
चलि जाइत छी अहाँ
कमाबय रोटी
नहि बनबैत छी कोनो बहन्ना
बनि रहल छी उदाहरण
गढ़ि रहल छी नित नव इतिहास
मुदा
रहरहाँ भेटि रहल छी अहाँ
बर्फ सँ कठुआयल
सीमेंट मे जमल ड्राम मे
कोनो फ्रिज, कोनो बैग
आ कोनो करिआ पन्नी मे फेकल झोखरि मे
अंगक सभ हड्डी
टूटल-छिड़ियाल देहक संग
हॉस्पिटल मे
आन्हर बनल
प्रेम मे भोथियाक'
ठकल जा रहल छी
धर्मक नाम पर चलैत रहैत अछि बहस
प्रगतिक नाम पर भ' रहल अछि दुर्गति
कहिया चेतब
कहिया खुजत अहाँक छबो इन्द्रिय
चीन्हि सकब
प्रेमक मायाजाल केँ
भूखल आँखिक कामक आगि केँ
अदौ सँ अहींक क्रोध आ संहारक
मंत्र पढ़ि-पढ़ि अहाँक ख्याति
सुना रहल अछि समाज अहाँ केँ
की सीता, की दुर्गा, की लक्ष्मी
क' पाबि रहल छथि अपन रक्षा
कलयुगक रावण, महिषासुर सँ
ई सोचि बेर-बेर मन सशंकित होइत अछि।
karat katek sangharsh
kitab aa rotik beech stri
dekh rahal chhi nenahi san
roti bana
chali jait chhi ahan
kamabay roti
nahi banbait chhi kono bahanna
bani rahal chhi udahran
gaDhi rahal chhi nit nav itihas
muda
raharhan bheti rahal chhi ahan
barph san kathuayal
siment mae jamal Draam mae
kono phrij, kono baig
aa kono karia panni mae phekal jhokhari mae
angak sabh haDDi
tutal chhiDiyal dehak sang
hauspital mae
anhar banal
prem mae bhothiyak
thakal ja rahal chhi
dharmak naam par chalait rahait achhi bahs
pragtik naam par bha rahal achhi durgati
kahiya chetab
kahiya khujat ahank chhabo indriy
chinhi sakab
premak mayajal ken
bhukhal ankhik kamak aagi ken
adau san ahink krodh aa sanharak
mantr paDhi paDhi ahank khyati
suna rahal achhi samaj ahan ken
ki sita, ki durga, ki lakshmi
ka pabi rahal chhathi apan raksha
kalayugak ravan, mahishasur san
ii sochi ber ber man sashankit hoit achhi.
karat katek sangharsh
kitab aa rotik beech stri
dekh rahal chhi nenahi san
roti bana
chali jait chhi ahan
kamabay roti
nahi banbait chhi kono bahanna
bani rahal chhi udahran
gaDhi rahal chhi nit nav itihas
muda
raharhan bheti rahal chhi ahan
barph san kathuayal
siment mae jamal Draam mae
kono phrij, kono baig
aa kono karia panni mae phekal jhokhari mae
angak sabh haDDi
tutal chhiDiyal dehak sang
hauspital mae
anhar banal
prem mae bhothiyak
thakal ja rahal chhi
dharmak naam par chalait rahait achhi bahs
pragtik naam par bha rahal achhi durgati
kahiya chetab
kahiya khujat ahank chhabo indriy
chinhi sakab
premak mayajal ken
bhukhal ankhik kamak aagi ken
adau san ahink krodh aa sanharak
mantr paDhi paDhi ahank khyati
suna rahal achhi samaj ahan ken
ki sita, ki durga, ki lakshmi
ka pabi rahal chhathi apan raksha
kalayugak ravan, mahishasur san
ii sochi ber ber man sashankit hoit achhi.
स्रोत :
पुस्तक : अकादारून (मैथिली कविता-संग्रह) (पृष्ठ 22)
रचनाकार : निक्की प्रियदर्शिनी
प्रकाशन : नवारम्भ, पटना/मधुबनी
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.