अखबार मे बलात्कारक खबरि पढ़िक'
अपन दमित वासना केँ जगयबाक प्रयास मे
अक्सरहाँ
कपूर भ' जाइत अछि संस्कार
नांगट भ' जाइत अछि आत्मा
कि तखने—
मिसरी सन मीठ आवाज मे
हाक पाड़ैत अछि छोटकी बेटी
आ हम मर्यादाक हाउ सँ
एकबैग झाँपि लैत छी मुँह।
सभतरि अदंक पसरल छै
कियो किछु नहि बाजि रहल अछि
की भेलै समाज केँ?
कियैक बनल छै मरचर?
बमगोला खसलै?
हत्या भेलै?
वा कोनो कलंकिनीक कोखि सँ
फेरो जनमलै बेटी?
हम जतेक स्त्री केँ चिन्हैत छलहुँ
प्रायः सभ नदी बनि चुकल अछि
एतय सभकिछु अपूर्ण अछि
अपूर्णे रहत
एहि धरती परहक सम्पूर्ण हरियरी
धोखरिक'
उपटिक'
जमि गेल छै
हमर स्वप्नक कोन मे गुमसुम बैसल
नायिकाक उज्जर आँचर पर!
akhbar mae balatkarak khabri paDhik
apan damit vasana ken jagaybak prayas mae
aksarhan
kapur bha jait achhi sanskar
nangat bha jait achhi aatma
ki takhne—
misri san meeth avaj mae
haak paDait achhi chhotki beti
aa hum maryadak hau san
ekbaig jhanpi lait chhi munh.
sabhatari adank pasral chhai
kiyo kichhu nahi baji rahal achhi
ki bhelai samaj ken?
kiyaik banal chhai marchar?
bamgola khasalai?
hatya bhelai?
va kono kalankinik kokhi san
phero janamalai beti?
hum jatek stri ken chinhait chhalahun
praayः sabh nadi bani chukal achhi
etay sabhakichhu apurn achhi
apurne raht
ehi dharti parhak sampurn hariyri
dhokhrik
uptik
jami gel chhai
hamar svapnak kon mae gumsum baisal
nayikak ujjar anchar par!
akhbar mae balatkarak khabri paDhik
apan damit vasana ken jagaybak prayas mae
aksarhan
kapur bha jait achhi sanskar
nangat bha jait achhi aatma
ki takhne—
misri san meeth avaj mae
haak paDait achhi chhotki beti
aa hum maryadak hau san
ekbaig jhanpi lait chhi munh.
sabhatari adank pasral chhai
kiyo kichhu nahi baji rahal achhi
ki bhelai samaj ken?
kiyaik banal chhai marchar?
bamgola khasalai?
hatya bhelai?
va kono kalankinik kokhi san
phero janamalai beti?
hum jatek stri ken chinhait chhalahun
praayः sabh nadi bani chukal achhi
etay sabhakichhu apurn achhi
apurne raht
ehi dharti parhak sampurn hariyri
dhokhrik
uptik
jami gel chhai
hamar svapnak kon mae gumsum baisal
nayikak ujjar anchar par!
स्रोत :
पुस्तक : पेटकुनियाँ लधने प्रश्न (पृष्ठ 37)रचनाकार : सुमित मिश्र गुंजन
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
