कोइ मंदिर मठ ढूंढ़इ
कोइ मस्जिद म हेरइ
कोइ गुरुद्वारा घूरइ
कोइ गिरिजाघर मा गिड़िगिड़ाइ
तनि दर्सु देतिउ
तनि नजरि फेंकतिउ
तनि सीध होतिउ
तनि उजेरु करितउ
मुला वहि का
कउनउ न पाइसि
वहु सून्य मा बिचरइ
कउनउ न स्वाचइ
सून्य मन के भितरइ
वहु बहे मा रमइ
कोइ असली आँखी तउ ख्वालइ
वहु अपनेइ म मिलइ
वहु कण-कण में दिखइ
कहुँ झर-झर
झरना ते झरइ
लहरिन मा लहरइ
कहुँ भर-भर
पुष्य-पुनरबस म बरसइ
वहु सिर्फ मंदिर की मूर्तिय मा नहिन
वहु हर ईंट-पत्थर मा
दर-दर मा
खर-खर मा
वहु हर आदमी मा रहइ
अदमी आदमी का छरइ
तउ वहिका जिउ जरइ
वहु हर चिरिया मा चहकइ
आदमी चिरिया का खाइ
तउ वहु कस न दिक्काइ
वह हर जीव के भीतर
चाहइ बटेर चाहइ तीतर
जो सचाई का पकरइ
वहु वहे का मिलइ।
koi mandir math DhunDhai
koi masjid ma herai
koi gurudvara ghurai
koi girijaghar ma giDigiDai
tani darsu detiu
tani najri phenkatiu
tani seedh hotiu
tani ujeru karitau
mula vahi ka
kaunau na paisi
vahu sunya ma bicharai
kaunau na svachai
sunya man ke bhitarai
vahu bahe ma ramai
koi asli ankhi tau khvalai
vahu apnei ma milai
vahu kan kan mein dikhai
kahun jhar jhar
jharna te jharai
lahrin ma laharai
kahun bhar bhar
pushya punarbas ma barasai
vahu sirph mandir ki murtiy ma nahin
vahu har iint patthar ma
dar dar ma
khar khar ma
vahu har adami ma rahai
admi adami ka chharai
tau vahika jiu jarai
vahu har chiriya ma chahakai
adami chiriya ka khai
tau vahu kas na dikkai
wo har jeev ke bhitar
chahai bater chahai titar
jo sachai ka pakarai
vahu vahe ka milai.
koi mandir math DhunDhai
koi masjid ma herai
koi gurudvara ghurai
koi girijaghar ma giDigiDai
tani darsu detiu
tani najri phenkatiu
tani seedh hotiu
tani ujeru karitau
mula vahi ka
kaunau na paisi
vahu sunya ma bicharai
kaunau na svachai
sunya man ke bhitarai
vahu bahe ma ramai
koi asli ankhi tau khvalai
vahu apnei ma milai
vahu kan kan mein dikhai
kahun jhar jhar
jharna te jharai
lahrin ma laharai
kahun bhar bhar
pushya punarbas ma barasai
vahu sirph mandir ki murtiy ma nahin
vahu har iint patthar ma
dar dar ma
khar khar ma
vahu har adami ma rahai
admi adami ka chharai
tau vahika jiu jarai
vahu har chiriya ma chahakai
adami chiriya ka khai
tau vahu kas na dikkai
wo har jeev ke bhitar
chahai bater chahai titar
jo sachai ka pakarai
vahu vahe ka milai.
स्रोत :
पुस्तक : घास के घरउँदे (पृष्ठ 108)रचनाकार : श्यामसुंदर मिश्र ‘मधुप’
प्रकाशन : आत्माराम एण्ड संस, कश्मीरी गेट, दिल्ली
संस्करण : 1991
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
