हमका बिटिया बिन सूनो घर दुआर लागै
लिहे जाएउ वहिका सिरका पियार लागै
भइया थोरी दाँलि बँधी है थोरी राब मिठाई
धान औरु सरसौं बाँधी हैं बाँधी तनिक मकाई
चना उद्द मसुरी है थोरी औ जोंधरी का आँटा
यहि कन्टर मा भइया थ्वारा फेरा फेरावा माठा
कदुआ बाँधी कइसे कुछु छोटबार लागै
लिहे जाएउ वहिका सिरका पियार लागै
झ्वारा महियाँ धोती है औ छुटकुइया बदि चोटिया
औरु बँधी है लरिकउना की मूलन वाली लोटिया
खटुआ वाली कली खटाई पीसइ वाली चटनी
कहि दीन्हेंउ पुटुकुरिया महियाँ माटी है मुड़मिसनी
चले आएउ जब बेरिया मा ब्यार लागै
लिहे जाएउ वहिका सिरका पियार लागै
दिनु औ राति यहइ सोंचिति हन कब बिटिया घर अइहै
एतनी दूरि अकेले घर मा कइसे रहतइ हुइै
वहिके खइबे की चिन्ता मा जियइ भरे का खाई
आँसू आवइँ जबइ अकेले ग्वाबरु पाथइ जाई
बिटिया आवइ तौ घर त्योहार लागै
लिहे जाएउ वहिका सिरका पियार लागै
कहिति रहन ईस्वर से तुम बिटिया हमका ना दीन्हेंउ
देहेउ अगर तौ वहिका तुम दोसरेक घर की ना कीन्हेंउ
दोसरेक घर की गर कीन्हेंउ तौ कष्ट न वहिका दीन्हेंउ
कष्ट अगर वहिके होवइँ तौ तुम हमका दइ दीन्हेंउ
वहिके दुःख देखि जीबो बेकार लागै
लिहे जाएउ वहिका सिरका पियार लागै
hamka bitiya bin suno ghar duar lagai
lihe jayeu vahika sirka piyar lagai
bhaiya thori danli bandhi hai thori raab mithai
dhaan auru sarsaun bandhi hain bandhi tanik makai
chana udd masuri hai thori au jondhri ka anta
yahi kantar ma bhaiya thvara phera pherava matha
kadua bandhi kaise kuchhu chhotbar lagai
lihe jayeu vahika sirka piyar lagai
jhvara mahiyan dhoti hai au chhutakuiya badi chotiya
auru bandhi hai larikauna ki mulan vali lotiya
khatua vali kali khatai pisai vali chatni
kahi dinhenu putukuriya mahiyan mati hai muDamisni
chale aayeu jab beriya ma byaar lagai
lihe jayeu vahika sirka piyar lagai
dinu au rati yahai sonchiti han kab bitiya ghar aihai
etni duri akele ghar ma kaise rahatai huiai
vahike khaibe ki chinta ma jiyai bhare ka khai
ansu avain jabai akele gvabaru pathai jai
bitiya avai tau ghar tyohar lagai
lihe jayeu vahika sirka piyar lagai
kahiti rahan iisvar se tum bitiya hamka na dinhenu
deheu agar tau vahika tum dosrek ghar ki na kinhenu
dosrek ghar ki gar kinhenu tau kasht na vahika dinhenu
kasht agar vahike hovain tau tum hamka dai dinhenu
vahike duःkha dekhi jibo bekar lagai
lihe jayeu vahika sirka piyar lagai
hamka bitiya bin suno ghar duar lagai
lihe jayeu vahika sirka piyar lagai
bhaiya thori danli bandhi hai thori raab mithai
dhaan auru sarsaun bandhi hain bandhi tanik makai
chana udd masuri hai thori au jondhri ka anta
yahi kantar ma bhaiya thvara phera pherava matha
kadua bandhi kaise kuchhu chhotbar lagai
lihe jayeu vahika sirka piyar lagai
jhvara mahiyan dhoti hai au chhutakuiya badi chotiya
auru bandhi hai larikauna ki mulan vali lotiya
khatua vali kali khatai pisai vali chatni
kahi dinhenu putukuriya mahiyan mati hai muDamisni
chale aayeu jab beriya ma byaar lagai
lihe jayeu vahika sirka piyar lagai
dinu au rati yahai sonchiti han kab bitiya ghar aihai
etni duri akele ghar ma kaise rahatai huiai
vahike khaibe ki chinta ma jiyai bhare ka khai
ansu avain jabai akele gvabaru pathai jai
bitiya avai tau ghar tyohar lagai
lihe jayeu vahika sirka piyar lagai
kahiti rahan iisvar se tum bitiya hamka na dinhenu
deheu agar tau vahika tum dosrek ghar ki na kinhenu
dosrek ghar ki gar kinhenu tau kasht na vahika dinhenu
kasht agar vahike hovain tau tum hamka dai dinhenu
vahike duःkha dekhi jibo bekar lagai
lihe jayeu vahika sirka piyar lagai
स्रोत :
पुस्तक : सिरका (अवधी गीत संग्रह) (पृष्ठ 2)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
