नव चिन्तन, नव भाव-भूमिपर नव-नव सृष्टि-विधान,
करय नित नूतन मनुसन्तान।
क्षितिपर, जलपर, आर पवनपर,
वितल, तलातल, सकल भुवन पर,
अन्तरिक्षसँ पार गगन पर,
चन्द्रलोक, नक्षत्रलोक धरि अपन सफल अभियान,
करय नित नूतन मनुसन्तान।
तनपर, मनपर, जड़-चेतनपर,
प्रकृति-प्रदत्त सकल साधनपर,
पञ्चतत्त्व-निर्मित कण-कणपर
आर अधिक की, जन्म मरणपर स्वामित्वक अभिमान,
करय नित नूतन मनुसन्तान।
भ्रमण करक हित नभ अनन्त ई,
नव ज्योतिर्मय दिग्-दिगन्त ई,
सभ्यताक वनमे वसन्त ई,
सर्व-शक्ति-सम्पन्न कहाबय एक मात्र विज्ञान,
जकर कर्त्ता थिक मनुसन्तान।
किन्तु विजय नहि अहंभावपर,
मनक कलुष, विकृतिक प्रभावपर,
मनुज चलय दनुजक स्वभावपर,
तकनहुँ पाबि रहल नहि कत्तहु दानवताक निदान,
विकल आकुल मन मनुसन्तान।
आइ मनुजता ग्रस्त रोगसँ,
करुणा मनुजत्वक वियोगसँ,
कानि रहल अछि हृदय-दोगसँ,
छापि रहल अछि भाव-गगनकेँ चौदिस तिमिर-वितान,
चकित मन देखय मनुसन्तान।
nav chintan, nav bhaav bhumipar nav nav srishti vidhan,
karay nit nutan manusantan.
kshitipar, jalpar, aar pavanpar,
vital, talatal, sakal bhuvan par,
antarikshasan paar gagan par,
chandrlok, nakshatrlok dhari apan saphal abhiyan,
karay nit nutan manusantan.
tanpar, manpar, jaD chetanpar,
prkriti pradatt sakal sadhanpar,
panchtattv nirmit kan kanpar
aar adhik ki, janm maranpar svamitvak abhiman,
karay nit nutan manusantan.
bhrman karak hit nabh anant ii,
nav jyotirmay dig digant ii,
sabhytak vanme vasant ii,
sarv shakti sampann kahabay ek maatr vigyan,
jakar kartta thik manusantan.
kintu vijay nahi ahambhavpar,
manak kalush, vikritik prbhavpar,
manuj chalay danujak svbhavpar,
takanahun pabi rahal nahi kattahu danavtak nidan,
vikal aakul man manusantan.
aai manujta grast rogasan,
karuna manujatvak viyogasan,
kani rahal achhi hriday dogasan,
chhapi rahal achhi bhaav gaganken chaudis timir vitan,
chakit man dekhay manusantan.
nav chintan, nav bhaav bhumipar nav nav srishti vidhan,
karay nit nutan manusantan.
kshitipar, jalpar, aar pavanpar,
vital, talatal, sakal bhuvan par,
antarikshasan paar gagan par,
chandrlok, nakshatrlok dhari apan saphal abhiyan,
karay nit nutan manusantan.
tanpar, manpar, jaD chetanpar,
prkriti pradatt sakal sadhanpar,
panchtattv nirmit kan kanpar
aar adhik ki, janm maranpar svamitvak abhiman,
karay nit nutan manusantan.
bhrman karak hit nabh anant ii,
nav jyotirmay dig digant ii,
sabhytak vanme vasant ii,
sarv shakti sampann kahabay ek maatr vigyan,
jakar kartta thik manusantan.
kintu vijay nahi ahambhavpar,
manak kalush, vikritik prbhavpar,
manuj chalay danujak svbhavpar,
takanahun pabi rahal nahi kattahu danavtak nidan,
vikal aakul man manusantan.
aai manujta grast rogasan,
karuna manujatvak viyogasan,
kani rahal achhi hriday dogasan,
chhapi rahal achhi bhaav gaganken chaudis timir vitan,
chakit man dekhay manusantan.
स्रोत :
पुस्तक : चन्द्रनाथमिश्र ‘अमर’ रचना संचयन (पृष्ठ 346)संपादक : योगानन्द झा, शम्भुनाथ झा, विजयदेव झा रचनाकार : चन्द्रनाथ मिश्र ‘अमर’
प्रकाशन : साहित्य अकादेमी, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
