सन्दर्भ : वर्तमान
देश
खीरा!
जे उपरसँ सौंस होइछ
आ भीतरसँ फाँक-फाँक।
राजनीति
गाछ!
जे दिनमे ऑक्सीजन फेकैत अछि
आ राइतमे कार्बनडाइअक्साइड।
नेता
साँपक मुँहमे अटकल छुछुन्नर!
जेकरा घाँटू तँ पेट फटबाक डर
उगिलू तँ आन्हर होयबाक डर।
जनता
जुआरीके टेबुलपर छिरिआयल रुपैया!
जे कखनो एकटा जेबीमे
कखनो टेबुलपर
आ कखनो दोसर जेबीमे पहुँचि जाइत अछि।
प्रजातन्त्र
रामलीला मञ्च!
जतऽ राम गरजैत अछि
रावणो गरजैत अछि
आ अन्हारमे बैसल दर्शक
टुकुर-टुकुर तकैत अछि।
स्रोत :
- पुस्तक : समय गीत (पृष्ठ 13)
- रचनाकार : रोशन जनकपुरी
- प्रकाशन : मैथिली विकास कोष, जनकपुर
- संस्करण : 2013
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
