अछि बुझल हमरा
अधिकार अपन
होइतहि स्त्री
अंगेजि लैत छी अपना भीतर
हजारो-हजार दुख आ टीस
सहबाक नाम पर
देल जाइत छी बना सीता
घोरल जाइत अछि नेनहि सँ कान मे
स्त्री होयबाक सीमा
स्त्री होयबाक विष
जखन बनाओल जाइत अछि
सभ स्त्री केँ सीता
जखन ताकल जाइत अछि
सभ स्त्री मे सीता
त' की नहि बनबाक चाही
सभ पुरुष केँ राम
पुरुषोत्तम बनबाक लेल
करैत छी केओ आग्रह किनको?
सीता! सीता! हा सीतेक धैर्यक वर्णन
रटौआ खाँत जकाँ
रहैत छी रटबैत सदिखन
दोहा जकाँ दोहरबैत छी
धिया सीता सन होयबाक कामना
मुदा पूत कहाँ केओ बनैत छथि राम सन
अधिकारक सीमा
परोपकार, सहनशीलक महिमा-गरिमा
ई सभ कियैक होइ
मात्र स्त्रीएक शब्दकोश मे
की मात्र सुग्गेटा केँ रटाओल जायत राम-राम
एहि कलयुग मे
की सीता केँ तकबाक होड़ मे
एहि कलयुग सँ
बिला रहल छथि राम
हेरा रहल छथि राम?
achhi bujhal hamra
adhikar apan
hoitahi stri
angeji lait chhi apna bhitar
hajaro hajar dukh aa tees
sahbak naam par
del jait chhi bana sita
ghoral jait achhi nenahi san kaan mae
stri hoybak sima
stri hoybak vish
jakhan banaol jait achhi
sabh stri ken sita
jakhan takal jait achhi
sabh stri mae sita
ta ki nahi banbak chahi
sabh purush ken raam
purushottam banbak lel
karait chhi keo agrah kinko?
sita! sita! ha sitek dhairyak varnan
rataua khaant jakan
rahait chhi ratbait sadikhan
doha jakan doharbait chhi
dhiya sita san hoybak kamna
muda poot kahan keo banait chhathi raam san
adhikarak sima
paropakar, sahanshilak mahima garima
ii sabh kiyaik hoi
maatr striyek shabdkosh mae
ki maatr suggeta ken rataol jayat raam raam
ehi kalyug mae
ki sita ken takbak hoD mae
ehi kalyug san
bila rahal chhathi raam
hera rahal chhathi raam?
achhi bujhal hamra
adhikar apan
hoitahi stri
angeji lait chhi apna bhitar
hajaro hajar dukh aa tees
sahbak naam par
del jait chhi bana sita
ghoral jait achhi nenahi san kaan mae
stri hoybak sima
stri hoybak vish
jakhan banaol jait achhi
sabh stri ken sita
jakhan takal jait achhi
sabh stri mae sita
ta ki nahi banbak chahi
sabh purush ken raam
purushottam banbak lel
karait chhi keo agrah kinko?
sita! sita! ha sitek dhairyak varnan
rataua khaant jakan
rahait chhi ratbait sadikhan
doha jakan doharbait chhi
dhiya sita san hoybak kamna
muda poot kahan keo banait chhathi raam san
adhikarak sima
paropakar, sahanshilak mahima garima
ii sabh kiyaik hoi
maatr striyek shabdkosh mae
ki maatr suggeta ken rataol jayat raam raam
ehi kalyug mae
ki sita ken takbak hoD mae
ehi kalyug san
bila rahal chhathi raam
hera rahal chhathi raam?
स्रोत :
पुस्तक : अकादारून (मैथिली कविता-संग्रह) (पृष्ठ 32)
रचनाकार : निक्की प्रियदर्शिनी
प्रकाशन : नवारम्भ, पटना/मधुबनी
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.