मोरे गँउआ म फगुनी बयार चली है
more ganua ma phaguni bayar chali hai
परवाना प्रतापगढ़ी
Parwana Pratapgarhi
मोरे गँउआ म फगुनी बयार चली है
more ganua ma phaguni bayar chali hai
Parwana Pratapgarhi
परवाना प्रतापगढ़ी
और अधिकपरवाना प्रतापगढ़ी
मोरे गँउवा म फगुनी बयार चली है,
होलिन म रँग कै फुहार चली है,
तन-मन रँग जाई रँग जाई चोलिया,
बहुत नीक लागै देवरवा कै बोलिया,
गुलाल औ अबीर की बहार चली है।
होलिन...
गोरे-गोरे गाल पे लगाये गोरी रँगना,
मथवा पै टिकुली औ हथवा म कँगना,
आज घुँघटा पतोहिया उधार चली है।
होलिन...
जब होली मिलन चलै लरिकन कै टोली,
भरत ठहाका चलै करत के ठिठोली,
गोरी मुड़ि-मुड़ि के रहिया निहार चली है
होलिन...
लाल रंग लागै हो धरती गगनवा,
कइयो रँग फुलवा फुलायग अँगनवा,
'परवाना कै जियरा निकार चली है
होलिन...
स्रोत :
- पुस्तक : रस गागरी (पृष्ठ 16)
- रचनाकार : परवाना प्रतापगढ़ी
- प्रकाशन : अभिव्यक्ति संगम, साहित्यिक संस्था, लालगंज प्रतापगढ़
- संस्करण : 2013
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
