स्वयं कृष्ण अपनहि
सूर-स्याम कहि लिखने छथि
सूरदासजीक बदलामे जे
'जाको कृपा मूक भयो वाचाल'
ठीके कहने आ लिखने छथि
एहि संसारमे की-की नहि भऽ सकैए
हौ भाय, कलिया कालिदास भऽ सकैए
सुन्नर भऽ सकैए तन-मन
अष्टावक्र आ अश्वत्थामाक
अभिमन्यु सभ जनानीक कोखमे
गर्भस्थ भऽ सकैए
पूतनाक स्तनसँ बहि सकैए सुधाक धार
जरि-पजरि नहि सकैए तूरक पहाड़
अंतरिक्ष भ्रमण कऽ सकैए हलधर आ महींसवार
मुदा बिनु साओन-भादवक
कारी खट-खट मेघक दृश्यक संग
बिजुरीक गड़गड़ाहटिक जोरगर आवाज
आ, झमकौआ बरखाक ढेपगर बुन्नसँ
बिनु स्नान केने
कतेको बेंग नहि बाजि सकैए
बस यैह टा करब छुटि गेलै नियन्तासँ
ताहुपर मिथिलाक ढौसा बेंग सभ
हँह, ओ तँ एहेन रुसनमा होइए जे
कतबो भालु, बानर आ धोधिबला ने नाचि जाउ
दाँत पर दाँत बैसा लेत
ठोर पर ठोर सटा देत
मुदा, नहि बाजि सकैए मिथिलाक लेल
हँ, तखन बाजियो सकैए
बाजि किएक नहि सकैए
एकबेर एकटा माँउसक टुकड़ी देखाकऽ
फेकिकेँ तँ देखियौ जे
कोना बाजि सकैए नढ़िया-कुकूर जकाँ
कोशीकेँ बान्हक लेल
आनक हफानक लेल
एहेन महान अछि हमर मिथिलाक बेंग।
svayan krishn apanahi
soor syaam kahi likhne chhathi
surdasjik badlame je
jako kripa mook bhayo vachal
thike kahne aa likhne chhathi
ehi sansarme ki ki nahi bhaऽ sakaiye
hau bhaay, kaliya kalidas bhaऽ sakaiye
sunnar bhaऽ sakaiye tan man
ashtavakr aa ashvatthamak
abhimanyu sabh jananik kokhme
garbhasth bhaऽ sakaiye
putnak stanasan bahi sakaiye sudhak dhaar
jari pajari nahi sakaiye turak pahaD
antriksh bhrman kaऽ sakaiye haldhar aa mahinsvar
muda binu saon bhadvak
kari khat khat meghak drishyak sang
bijurik gaDagDahtik jorgar avaj
aa, jhamkaua barkhak Dhepgar bunnasan
binu snaan kene
kateko beng nahi baji sakaiye
bas yaih ta karab chhuti gelai niyantasan
tahupar mithilak Dhausa beng sabh
hanh, o tan ehen rusanma hoie je
katbo bhalu, banar aa dhodhibla ne nachi jau
daant par daant baisa let
thor par thor sata det
muda, nahi baji sakaiye mithilak lel
han, takhan bajiyo sakaiye
baji kiyek nahi sakaiye
ekber ekta manusak tukDi dekhakऽ
phekiken tan dekhiyau je
kona baji sakaiye naDhiya kukur jakan
koshiken banhak lel
aanak haphanak lel
ehen mahan achhi hamar mithilak beng.
svayan krishn apanahi
soor syaam kahi likhne chhathi
surdasjik badlame je
jako kripa mook bhayo vachal
thike kahne aa likhne chhathi
ehi sansarme ki ki nahi bhaऽ sakaiye
hau bhaay, kaliya kalidas bhaऽ sakaiye
sunnar bhaऽ sakaiye tan man
ashtavakr aa ashvatthamak
abhimanyu sabh jananik kokhme
garbhasth bhaऽ sakaiye
putnak stanasan bahi sakaiye sudhak dhaar
jari pajari nahi sakaiye turak pahaD
antriksh bhrman kaऽ sakaiye haldhar aa mahinsvar
muda binu saon bhadvak
kari khat khat meghak drishyak sang
bijurik gaDagDahtik jorgar avaj
aa, jhamkaua barkhak Dhepgar bunnasan
binu snaan kene
kateko beng nahi baji sakaiye
bas yaih ta karab chhuti gelai niyantasan
tahupar mithilak Dhausa beng sabh
hanh, o tan ehen rusanma hoie je
katbo bhalu, banar aa dhodhibla ne nachi jau
daant par daant baisa let
thor par thor sata det
muda, nahi baji sakaiye mithilak lel
han, takhan bajiyo sakaiye
baji kiyek nahi sakaiye
ekber ekta manusak tukDi dekhakऽ
phekiken tan dekhiyau je
kona baji sakaiye naDhiya kukur jakan
koshiken banhak lel
aanak haphanak lel
ehen mahan achhi hamar mithilak beng.
स्रोत :
पुस्तक : झुझुआन होइत गाम (मैथिली कविता-संग्रह) (पृष्ठ 27)रचनाकार : रघुनाथ मुखिया
प्रकाशन : नवारम्भ, पटना/मधुबनी
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
