ओ ताकि रहल छथि सलाइ
जरा देबय चाहैत छथि ओहेन सभ किछु
जाहिसँ जरि रहल छैक
समाज, देश, ई सगर संसार
हमहुँ ताकि रहलहुँ अछि
कोनो शीतल जलक स्रोत
जाहिसँ मिझा सकी ओ आगि
जे जरा रहल अछि
एहि समाज, एहि देश, एहि संसारकेँ
हम चाहैत छी मिझाबी आगि
संगहि
शीतल सेहो होइक लोकक
मोन, मति, स्वभाव सभटा
मिथिलाक संस्कृतिमे फगुआ छैक
सम्मत जरेनाइ छैक
त' जूड़िशीतल छैक
जुड़ेनाइ सेहो छैक
हम आग्रही छी जूड़िशीतलक
हमरा पसीन अछि जुड़ेनाइ!
स्रोत :
- पुस्तक : नो मेन्स लैण्ड पर ठाढ़ कवि (पृष्ठ 117)
- रचनाकार : आनन्द मोहन झा
- प्रकाशन : नवारम्भ, मधुबनी/पटना
- संस्करण : 2024
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
