सत्ते छी कहैत
मनुखोकेँ एकदिन
मशीने बनौतइ।
सिलिकॉन चिप्समे
बदलि जेतैक माथ
बटन टा दबायब जनतै हाथ
भावना आ संवेदना
होयत आउटडेटेड
प्रेम, आनन्द आ शोक
पैसि जेतैक रोबोटक आँखिमे
कामानुभूति इन्टरनेटक पाँखिमे।
वात्सल्य हैत टेस्ट-ट्यूब बन्न
क्लोनिंगक पेटमे मातृत्व कानत हकन्न।
बिआह घर आ परिवार
हैत आदिम कुसंस्कार
गे आ लेस्वियनसँ
भरि जायत संसार।
कम्प्यूटर हैत बादशाह
मानव जाति गुलाम
तखन कथीक देश
आ कथीक गाम
एकेबेर बाजि जायत
सबहक राधेश्याम।
मनुखक जेनोम ग्राफ पढ़ि
मशीने बनाओत मनुखक नवका जेनरेशन
महामानव!
अतिमानव!!
प्रतिमानव!!!
प्रकृति बनौलक बानरसँ मनुख
तैओ बानर रहि गेल बाँचल
मुदा बान्हि लिअऽ गीरह
अतिमानव आ प्रतिमानवक दुनियामे
मेटा जायत
मानवक अजुका संस्करण
संरक्षित रहत मात्र डीएनए।
डायनासोर जकाँ सड़कक कात
पुतला बनाकऽ
हमहुँ सब सजा देल जायब
बच्चाक क्लासमे इतिहास जकाँ पढ़ाओल जायब
सत्ते कहइ छी
एकदिन हमसब आदमी
अपने करनीसँ मिटाओल जायब।
satte chhi kahait
manukhoken ekdin
mashine banautai.
silikaun chipsme
badali jetaik maath
batan ta dabayab janatai haath
bhavna aa sanvedna
hoyat autDeteD
prem, anand aa shok
paisi jetaik robotak ankhime
kamanubhuti intarnetak pankhime.
vatsalya hait test tyoob bann
kloningak petme matritv kanat hakann.
biah ghar aa parivar
hait aadim kusanskar
ge aa lesviyanasan
bhari jayat sansar.
kampyutar hait badashah
manav jati gulam
takhan kathik desh
aa kathik gaam
ekeber baji jayat
sabhak radheshyam.
manukhak jenom graaph paDhi
mashine banaot manukhak navka jenreshan
mahamanav!
atimanav!!
pratimanav!!!
prkriti banaulak banarasan manukh
taio banar rahi gel banchal
muda banhi liaऽ girah
atimanav aa pratimanvak duniyame
meta jayat
manavak ajuka sanskran
sanrakshit raht maatr Diyene.
Dayanasor jakan saDkak kaat
putla banakऽ
hamahun sab saja del jayab
bachchak klasme itihas jakan paDhaol jayab
satte kahai chhi
ekdin hamsab adami
apne karanisan mitaol jayab.
satte chhi kahait
manukhoken ekdin
mashine banautai.
silikaun chipsme
badali jetaik maath
batan ta dabayab janatai haath
bhavna aa sanvedna
hoyat autDeteD
prem, anand aa shok
paisi jetaik robotak ankhime
kamanubhuti intarnetak pankhime.
vatsalya hait test tyoob bann
kloningak petme matritv kanat hakann.
biah ghar aa parivar
hait aadim kusanskar
ge aa lesviyanasan
bhari jayat sansar.
kampyutar hait badashah
manav jati gulam
takhan kathik desh
aa kathik gaam
ekeber baji jayat
sabhak radheshyam.
manukhak jenom graaph paDhi
mashine banaot manukhak navka jenreshan
mahamanav!
atimanav!!
pratimanav!!!
prkriti banaulak banarasan manukh
taio banar rahi gel banchal
muda banhi liaऽ girah
atimanav aa pratimanvak duniyame
meta jayat
manavak ajuka sanskran
sanrakshit raht maatr Diyene.
Dayanasor jakan saDkak kaat
putla banakऽ
hamahun sab saja del jayab
bachchak klasme itihas jakan paDhaol jayab
satte kahai chhi
ekdin hamsab adami
apne karanisan mitaol jayab.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 82)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
