क्षमा करब हे बापू
आब अहीँक देशमे
सत्य अहिंसाक
उड़ाओल जा रहल अछि धज्जी
मृत्युक भए रहल अछि
नांगट नाच
'यत्र नार्यस्तु पूज्यन्ते
रमन्ते तत्र देवताः'
दुबकि गेल अछि स्मृति पुराणमे
सत्ताक संरक्षणमे
स्त्री समाजक भए रहल अछि
शील भंग
हम असहाय बनल
अनिमेष देख रहल छी अपने दिस
कोनो आश्वासन लेल
क्षमा करब हे बापू
आब अहीँक देशमे
हत्यारा, बलात्कारीक होइछ
महिमा मंडन आ स्वागत
फूल मालासँ
भगवानक पवित्र नामक उच्चारण संग
मारल जा रहल अछि निर्दोष।
स्रोत :
- पुस्तक : परिचय बनैत शब्द (पृष्ठ 104)
- रचनाकार : मुख्तार आलम
- प्रकाशन : मुख्तार आलम
- संस्करण : 2021
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
