जँ आइ हम
एक प्रेम कविता सुनाबी
तँ हमर किछु साहित्यिक—
परिचित कहताह लगले
फलां देशक साहित्यमे—
आब प्रेम कथा, प्रेम कविता नहि
लिखल जाइत छैक।
जँ आइ हम
दर्दक गीत गाबी
तँ कहताह लाल भाइ
भेलह बढ़ियाँ, मुदा कहुखन कऽ
बेसुरा भऽ जाइत छलह।
जँ हम बन्धु
अपन व्यथा-कथा सुनायब
तँ अहाँ अनेरे
हमरा पर तमसायब—
थाकल-हारल देहकेँ, मोनकेँ
आर माहुर करैए
ने अपने सुतैए, ने हमरा सुतऽ दैए।
जँ मीत
हम अहीँक गप्प कही
तँ कहब अहाँ
कहताह ओ
छँटैए, भोगल यथार्थ
कहाँ कहैए?
तँ की सुनाउ अहाँकेँ
दादी बाबीक खिस्सा?
पंचतंत्र, हितोपदेश?
खिस्सा तोता मैना?
शंकर, मंडन, विद्यापतिक गप्प?
गामक गोलैसी, चौकक राजनीति
शहर बनैत गामक गजल आ
कि जंगल बनैत शहरक साहित्य?
की सुनाउ?
आ कि आइ भिनसुरका अखबार?
की सुनाउ अहाँकेँ?
jan aai hum
ek prem kavita sunabi
tan hamar kichhu sahityik—
parichit kahtah lagle
phalan deshak sahityme—
aab prem katha, prem kavita nahi
likhal jait chhaik.
jan aai hum
dardak geet gabi
tan kahtah laal bhai
bhelah baDhiyan, muda kahukhan kaऽ
besura bhaऽ jait chhalah.
jan hum bandhu
apan vyatha katha sunayab
tan ahan anere
hamra par tamsayab—
thakal haral dehken, monken
aar mahur karaiye
ne apne sutaiye, ne hamra sutऽ daiye.
jan meet
hum ahink gapp kahi
tan kahab ahan
kahtah o
chhantaiye, bhogal yatharth
kahan kahaiye?
tan ki sunau ahanken
dadi babik khissa?
panchtantr, hitopdesh?
khissa tota maina?
shankar, manDan, vidyaptik gapp?
gamak golaisi, chaukak rajaniti
shahr banait gamak gajal aa
ki jangal banait shahrak sahitya?
ki sunau?
aa ki aai bhinasurka akhbar?
ki sunau ahanken?
jan aai hum
ek prem kavita sunabi
tan hamar kichhu sahityik—
parichit kahtah lagle
phalan deshak sahityme—
aab prem katha, prem kavita nahi
likhal jait chhaik.
jan aai hum
dardak geet gabi
tan kahtah laal bhai
bhelah baDhiyan, muda kahukhan kaऽ
besura bhaऽ jait chhalah.
jan hum bandhu
apan vyatha katha sunayab
tan ahan anere
hamra par tamsayab—
thakal haral dehken, monken
aar mahur karaiye
ne apne sutaiye, ne hamra sutऽ daiye.
jan meet
hum ahink gapp kahi
tan kahab ahan
kahtah o
chhantaiye, bhogal yatharth
kahan kahaiye?
tan ki sunau ahanken
dadi babik khissa?
panchtantr, hitopdesh?
khissa tota maina?
shankar, manDan, vidyaptik gapp?
gamak golaisi, chaukak rajaniti
shahr banait gamak gajal aa
ki jangal banait shahrak sahitya?
ki sunau?
aa ki aai bhinasurka akhbar?
ki sunau ahanken?
स्रोत :
पुस्तक : चक्रव्यूह पसरैत (पृष्ठ 18)रचनाकार : अशोक
प्रकाशन : नवारम्भ
संस्करण : 2023
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
