जखन-जखन शुरू होइत अछि
पैकारी अन्हारक
आ पसरि जाइत अछि
गीदड़क हुआँ-हुआँ चारूभर
धधकि उठैत अछि कविता हमर
डाहि देबऽ चाहैत अछि
धृतराष्ट्रक गुमान सभटा
जे बचल रहय पाण्डवक सत्य
आ पसरि जाय सगरो इजोर मह-मह
एहि अन्हरियामे
सह-सह करैत हिटलरक पोआ सभ
फुफकारि उठैये आदतन
जहरक व्यापारमे लागल
त्रिशूलक टंकारसँ सम्मोहित
जय-जयकार करैये
तँ त्रिपुंडक जोशमे
हिन्नू कि मुसलमान कहैये
जखन-जखन बैसलै गिद्ध
संसदक चानिपर
बाजलै कविता हमर जोरसँ
आइ फेर चिकरि उठलै
कंठ फाड़िकऽ
बंद मुट्ठीसँ गिद्धकेँ चेतौनी दैत
आ से ताधरि गरजत
जाधरि नहि सुखेलैये ओकर
धमनीक लाल शोणित
ओना एखन चिन्तित अछि
कविता हमर
आबि तुलायल अछि घटाटोप मेघ
एहिसँ बचबाक लेल
करऽ पड़तै ओकरा चानन ओ टीका
ओढ़ऽ पड़तै रामनामी गमछा
अन्यथा मानल जायत
पातकी
देशद्रोही
मुदा से कोना
कविता हमर बनि जायत गाँधी
सत्य ओ अहिंसाकेँ पिजाकऽ
बनायत हथियार
करत प्रतिरोध ताधरि
जाधरि गिद्ध नहि समेटैत अछि
अपन पाँखि
प्रेम ओ सद्भावक राग
नहि निकसैत अछि संसदक कंठ-कंठसँ
आ फुला नहि जाइत अछि शान्तिक
उज्जर दप-दप फूल सगरो।
jakhan jakhan shuru hoit achhi
paikari anharak
aa pasari jait achhi
gidDak huan huan charubhar
dhadhaki uthait achhi kavita hamar
Dahi debऽ chahait achhi
dhritrashtrak guman sabhta
je bachal rahay panDvak satya
aa pasari jaay sagro ijor mah mah
ehi anhariyame
sah sah karait hitalrak poa sabh
phuphkari uthaiye adatan
jahrak vyaparme lagal
trishulak tankarasan sammohit
jay jaykar karaiye
tan tripunDak joshme
hinnu ki musalman kahaiye
jakhan jakhan baisalai giddh
sansdak chanipar
bajalai kavita hamar jorasan
aai pher chikari uthalai
kanth phaDikऽ
band mutthisan giddhken chetauni dait
aa se tadhari garjat
jadhari nahi sukhelaiye okar
dhamnik laal shonit
ona ekhan chintit achhi
kavita hamar
aabi tulayal achhi ghatatop megh
ehisan bachbak lel
karऽ paDatai okra chanan o tika
oDhऽ paDatai ramanami gamchha
anyatha manal jayat
pataki
deshadrohi
muda se kona
kavita hamar bani jayat gandhi
satya o ahinsaken pijakऽ
banayat hathiyar
karat pratirodh tadhari
jadhari giddh nahi sametait achhi
apan pankhi
prem o sadbhavak raag
nahi niksait achhi sansdak kanth kanthasan
aa phula nahi jait achhi shantik
ujjar dap dap phool sagro.
jakhan jakhan shuru hoit achhi
paikari anharak
aa pasari jait achhi
gidDak huan huan charubhar
dhadhaki uthait achhi kavita hamar
Dahi debऽ chahait achhi
dhritrashtrak guman sabhta
je bachal rahay panDvak satya
aa pasari jaay sagro ijor mah mah
ehi anhariyame
sah sah karait hitalrak poa sabh
phuphkari uthaiye adatan
jahrak vyaparme lagal
trishulak tankarasan sammohit
jay jaykar karaiye
tan tripunDak joshme
hinnu ki musalman kahaiye
jakhan jakhan baisalai giddh
sansdak chanipar
bajalai kavita hamar jorasan
aai pher chikari uthalai
kanth phaDikऽ
band mutthisan giddhken chetauni dait
aa se tadhari garjat
jadhari nahi sukhelaiye okar
dhamnik laal shonit
ona ekhan chintit achhi
kavita hamar
aabi tulayal achhi ghatatop megh
ehisan bachbak lel
karऽ paDatai okra chanan o tika
oDhऽ paDatai ramanami gamchha
anyatha manal jayat
pataki
deshadrohi
muda se kona
kavita hamar bani jayat gandhi
satya o ahinsaken pijakऽ
banayat hathiyar
karat pratirodh tadhari
jadhari giddh nahi sametait achhi
apan pankhi
prem o sadbhavak raag
nahi niksait achhi sansdak kanth kanthasan
aa phula nahi jait achhi shantik
ujjar dap dap phool sagro.
स्रोत :
पुस्तक : एखन धरि (पृष्ठ 29)रचनाकार : अंशुमान सत्यकेतु
प्रकाशन : नवारम्भ
संस्करण : 2018
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
