लड़िकऽ हिटलर विश्वयुद्ध
ने अपन मान बढ़ौलक
ने बचौलक मातृभूमिक प्रतिष्ठा
हँ
यहूदीकेँ झड़कौलक
जर्मनीकेँ गन्हौलक
संसारकेँ औनौलक
त्राहि-त्राहि मानवता
रक्तक केहन ई श्रेष्ठता।
के आर्य
के अनार्य
कोन वर्गक शत्रुता
कोन वर्गक मित्रता
के करत फैसला
अपन सनकी
की घमंडक हनकी
आ की जकरा
ज्ञानक मिसिओ ने भनकी।
एकटा हिटलर मरल
ओकर रक्तबीज संतान अछि भरल
केओ धर्मक अलकायदा
केओ धनक बोको हरम
कतहु माओवादी बेपार
कतहु परमाण्विक भरम।
स्रोत :
- पुस्तक : क्षमा करब हे महाकवि [मैथिली कविता-संग्रह] (पृष्ठ 119)
- रचनाकार : श्याम दरिहरे
- प्रकाशन : नवारंभ, पटना/मधुबनी
- संस्करण : 2016
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
