कहियो काल
हारि जाइत छी अपनहि जिद्दसँ
भीजि जाइत अछि नोरसँ आँखिक कोर
आ हम भऽ जाइत छी बताहि सन, ठीके
नहि हारलहुँ
कहियो अपन प्रतिद्वन्द्वीसँ
निकलैत रहलहुँ जिनगीक रेसमे
सभदिन सभसँ आगू, बहुत आगू...
मुदा आब
बैरिन भेल अछि हमर हृदय
जाहिमे हम संजोगने छी
किछु सिनेहक ताग
जकर कोमल बन्हन संग
चलैत अछि हमर धुकधुकी, आ
बाँचल अछि प्राण
कखनो काल
डरा जाइत छी अपनहि छाँहीसँ—
कतहु धकेलि तँ नहि देत
आकि बंद तँ ने कऽ देत हमरा
ओहि अन्हार कोठरीमे
जतयसँ पड़ायल छलहुँ हम
बहुत रास घाव आ फुटलाहा कपार लेने
आ जकर सोनित
जमिकऽ भऽ गेल छल कारी स्याह
मुदा आँखिक आगू अनचोके
भेल इजोरियामे देखैत छी एकटा हाथ
आ ओहि हाथमे भीजल रुमाल
आ जाहिमे लागल कारी स्याह भेल सोनित
फेर हम
भऽ उठैत छी चिंतामुक्त, आ
संघर्षरत डेग चलि पड़ैत अछि निडर—
जोड़ो भरि हाथक सबलताकेँ निहारैत...!
kahiyo kaal
hari jait chhi apanahi jiddasan
bhiji jait achhi norasan ankhik kor
aa hum bhaऽ jait chhi batahi san, thike
nahi haralahun
kahiyo apan pratidvandvisan
niklait rahalahun jingik resme
sabhdin sabhasan aagu, bahut aagu. . .
muda aab
bairin bhel achhi hamar hriday
jahime hum sanjogne chhi
kichhu sinehak taag
jakar komal banhan sang
chalait achhi hamar dhukdhuki, aa
banchal achhi praan
kakhno kaal
Dara jait chhi apanahi chhanhisan—
katahu dhakeli tan nahi det
aaki band tan ne kaऽ det hamra
ohi anhar kothrime
jatayasan paDayal chhalahun hum
bahut raas ghaav aa phutlaha kapar lene
aa jakar sonit
jamikऽ bhaऽ gel chhal kari syaah
muda ankhik aagu anchoke
bhel ijoriyame dekhait chhi ekta haath
aa ohi hathme bhijal rumal
aa jahime lagal kari syaah bhel sonit
pher hum
bhaऽ uthait chhi chintamukt, aa
sangharshrat Deg chali paDait achhi niDar—
joDo bhari hathak sabaltaken niharait. . . !
kahiyo kaal
hari jait chhi apanahi jiddasan
bhiji jait achhi norasan ankhik kor
aa hum bhaऽ jait chhi batahi san, thike
nahi haralahun
kahiyo apan pratidvandvisan
niklait rahalahun jingik resme
sabhdin sabhasan aagu, bahut aagu. . .
muda aab
bairin bhel achhi hamar hriday
jahime hum sanjogne chhi
kichhu sinehak taag
jakar komal banhan sang
chalait achhi hamar dhukdhuki, aa
banchal achhi praan
kakhno kaal
Dara jait chhi apanahi chhanhisan—
katahu dhakeli tan nahi det
aaki band tan ne kaऽ det hamra
ohi anhar kothrime
jatayasan paDayal chhalahun hum
bahut raas ghaav aa phutlaha kapar lene
aa jakar sonit
jamikऽ bhaऽ gel chhal kari syaah
muda ankhik aagu anchoke
bhel ijoriyame dekhait chhi ekta haath
aa ohi hathme bhijal rumal
aa jahime lagal kari syaah bhel sonit
pher hum
bhaऽ uthait chhi chintamukt, aa
sangharshrat Deg chali paDait achhi niDar—
joDo bhari hathak sabaltaken niharait. . . !
स्रोत :
पुस्तक : नहि सीता नहि (मैथिली कविता-संग्रह) (पृष्ठ 53)रचनाकार : बिभा विमर्श
प्रकाशन : नवारम्भ, पटना/मधुबनी
संस्करण : 2023
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
